នាទីសុខភាពនិងអនាម័យ
- ទំព័រដើម
- Podcast
- សរសេរមកយើង
ពុធ 02 មីនា 2011
ជំងឺសន្លាក់
សន្លាក់ឆ្នឹង
ជំងឺសន្លាក់ ត្រូវបាន អង្គការសុខភាពពិភពលោក ចាត់ទុក
ជាភ្នាក់ងារចំបងនៃពិការភាព។ អ្នកស្រាវជ្រាវតែង
រកឃើញមធ្យោបាយព្យាបាលថ្មីៗ ហេតុដូច្នេះ ហើយ
បានជាអង្គការសុខភាពពិភពលោក ឱ្យងារទសវត្សនេះ ថាជាទសវត្សឆ្អឹង និង
សន្លាក់។ តើជំងឺនេះមានរោគសញ្ញាដូចម្តេចខ្លះ ? តើធ្វើដូចម្តេចអាច
ចៀស វាងជំងឺ នេះបាន ? សូមអញ្ជើញស្តាប់ប្រសាសន៍របស់លោកវេជ្ជបណ្ឌិត
ROSIER ឯកទេសផ្នែកជំងឺ សន្លាក់ឆ្អឹងនៅក្រុង លីយ៉ុងប្រទេសបារាំង
ដែលរៀបចំ និង ប្រែសម្រួលដោយ អៀង សុខម៉ិញ ។
ជំងឺសន្លាក់ជាជំងឺដែលមានការរីករាលដាល និង
វិវឌ្ឍទៅតាមវ័យរបស់អ្នកជំងឺ ហើយបង្កឱ្យមានការឈឺចុកចាប់
នៅតាមសន្លាក់កាន់តែខ្លាំងឡើងៗ ដោយសារ ភាពទ្រុឌទ្រោម
រេចរឹលនៃស្រទាប់ឆ្អឹងខ្ចី ដែលនៅព័ទ្ធជុំវិញឆ្អឹងម្តុំសន្លាក់
តែមិនមែនជា ជំងឺ រលាកឆ្អឹង ឬ ឆ្អឹងខ្ចី នៅម្តុំសន្លាក់ទេ។
ជំងឺសន្លាក់ដែលលើកយកមកបរិយាយនៅពេលនេះ គឺជាជំងឺសន្លាក់ ជាទូទៅ
ដែលហៅជា ភាសា បារាំង ARTHROSE។
ជំងឺសន្លាក់ ARTHROSE គឺជាភាពចាស់រេចរឹលបន្តិចម្តងៗនៃស្រទាប់ឆ្អឹងខ្ចី។ ឆ្អឹងខ្ចី នេះរុំព័ទ្ធឆ្អឹង ដើម្បីសន្លាក់អាចងាក និងធ្វើចលនាដោយរអិលបាន។ នៅពេល ដែលឆ្អឹងខ្ចីនេះ ចាស់សឹករេចរឹល ខូចប្រើការលែងកើត នោះវានឹងបង្កផលវិបាកជាច្រើនដល់ឆ្អឹង ដែលនៅជុំជិត និង ទៅលើសន្លាក់ បង្កឲ្យមាន ការឈឺចាប់នៅតាមសន្លាក់ ឬ មានដៃជើង ខ្លួនប្រាណរឹង មិនទន់ភ្លន់ ពិបាកពត់ពេន បត់ខ្លួន នៅ ត្រង់សន្លាក់ ឬគាំងសន្លាក់ក៏មាន។
ប៉ុន្តែ ជំងឺសន្លាក់មិនប្រាកដថាពិតជាឱ្យរោគសញ្ញាឈឺចាប់ទេ ពេលខ្លះទាល់ តែទៅធ្វើការពិនិត្យថតឆ្លុះ ទើបដឹងថាឆ្អឹងខ្ចីខូច។ ផ្ទុយទៅវិញ អ្នកជំងឺខ្លះមានឆ្អឹងខ្ចី សឹករេចរឹលតែបន្តិច តែត្រូវរងការឈឺចាប់ជាអតិបរមាភ្លាម។
កត្តាផ្សេងៗនៃការសឹករេចរឹលរបស់ឆ្អឹងខ្ចី
រហូតមកទល់ពាក់កណ្តាលទសវត្សឆ្នាំ ៧០ គេគិតថា ជំងឺសន្លាក់ឆ្អឹងជាជំងឺមនុស្សចាស់។ មនុស្សចាស់ ដែលឆ្អឹងខ្ចីត្រូវសឹករេចរឹល ព្រោះតែការធ្វើចលនា ជារៀងរាល់ថ្ងៃ យូរៗទៅ។ ប៉ុន្តែក្នុងពេលថ្មីៗនេះ គេសង្កេតឃើញថាឆ្អឹងខ្ចី មិនប្រាកដថានឹងត្រូវសឹកខូច ដូចគ្រឿងយន្តដែលប្រើយូរទេ។ ឆ្អឹងខ្ចីមាន ការដុះដាលលូតលាស់ខ្លាំងណាស់។ ឆ្អឹងសឹករេចរឹលហើយមិនអាចដុះវិញបានបណ្តាលមកពីភ្នាក់ងារប៊ីយូគីមី ឬ គីមីសរីរាង្គ។ ភ្នាក់ងារគីមីសរីរាង្គ ដែលជាសារធាតុគីមីមានស្រាប់ក្នុងខ្លួនមនុស្សយើង ហើយដែលយើងបញ្ចេញចោល។ គឺនៅពេលនោះហើយ ដែលអ្នកវេជ្ជសាស្ត្រចាប់អារម្មណ៍ថា គេនឹងអាចរកឃើញ ការព្យាបាលមួយ ដើម្បីទប់ស្កាត់ការសឹករេចរឹលរបស់ឆ្អឹងខ្ចីបាន។
ប្រភេទនៃជំងឺសន្លាក់
ជំងឺសន្លាក់ដែលគេជួបប្រទះញឹកញាប់ជាងគេ គឺសន្លាក់ដៃ សន្លាក់ជើង។ បើ មាន ជីដូនជីតា ម្តាយ ឬបងប្អូនក្នុងគ្រួសារណាម្នាក់កើតជំងឺនេះហើយនោះ កូនចៅ ជំនាន់ក្រោយងាយនឹងឈឺសន្លាក់ដៃ ជើង ជង្គង់ សន្លាក់ឆ្អឹងក ចង្កេះ និង ម្រាមជើង ណាស់។ ក្រៅពីកត្តាតពូជរបៀបរបបរស់នៅ ក៏ជាផ្នែកមួយដ៏សំខាន់ បង្កឱ្យឆាប់មានបញ្ហាសន្លាក់ដែរ។ អ្នកបញ្ចេញកម្លាំងកាយខ្លាំង ធ្វើការធ្ងន់តាំងពីវ័យក្មេងៗ នឹងឆាប់មានបញ្ហាសន្លាក់ជាងអ្នកស្រណុកស្រួល មិនថាស្ត្រី ឬ បុរស ឬ ជាតិសាសន៍ ណាទេ។ ជាងនេះទៅទៀត បើអ្នកមានជំងឺសន្លាក់នៅដៃ ហើយប្រឹងធ្វើការ ប្រើដៃនោះច្រើន នោះនឹងធ្វើឱ្យជំងឺនេះកាន់តែធ្ងន់ធ្ងរ ហើយត្រូវគិតថាសន្លាក់នៅត្រង់កន្លែងផ្សេងៗទៀត ក៏មានបញ្ហាដែរ។
ការព្យាបាល
គ្មានការព្យាបាលណាមួយដែលប្រសើរជាងគេបំផុត តែមួយ អាចជួយបំបាត់ ការឈឺចាប់ ទប់ស្កាត់ការសឹកខូចខាតរបស់ឆ្អឹង និង ធ្វើឱ្យសន្លាក់មានចលនាប្រសើរ ជាងមុន បានទេ។ ម្យ៉ាងមកពីជំងឺសន្លាក់មានច្រើនកន្លែង ត្រូវការព្យាបាល តម្រូវតាមករណីនៃសន្លាក់នីមួយៗ និង ម្យ៉ាងវិញទៀត ពុំមានការព្យាបាលណា ដែលប្រសើរជាងគេ ឥតខ្ចោះនោះឡើយ។ ការព្យាបាលត្រូវតែធ្វើឡើងទៅតាមករណី ជាក់ស្តែង។
មានការព្យាបាលដោយថ្នាំ គ្រាន់បំបាត់ ការឈឺចាប់ និង ការព្យាបាល ឲ្យបានស៊ីជំរៅ ។ ជំងឺសន្លាក់ប្រៀបដូចភ្នំភ្លើង។ ភ្នំភ្លើងដែល ជួនស្ងប់ស្ងាត់ ជួនក៏ផ្ទុះឡើង បង្កជាការឈឺចាប់។
នៅពេលមានអាការៈឈឺចាប់ស្តែងឡើង គេអាចព្យាបាលដោយប្រើថ្នាំបំបាត់ ការឈឺចាប់ បានមួយរយៈ។ យើងគួរ ធ្វើសរសៃ ចាក់ម្ជុលវិទ្យាសាស្ត្រ ដើម្បីសម្រួលនិង កាត់បន្ថយការឈឺចាប់។ ការធ្វើសរសៃនេះ ជាប្រយោជន៍សំរាប់អ្នកដែលមានបញ្ហាសន្លាក់នៅជើង និង ឆ្អឹងខ្នង។ ការលេងកីឡា ជាការចាំបាច់សំរាប់អ្នកជំងឺ ប៉ុន្តែ ត្រូវធ្វើកីឡាឱ្យស្របនឹង កម្លាំងកាយ ស្របនឹងកម្លាំងសន្លាក់ មិនមែនសម្រប កម្លាំងសន្លាក់ ឬ ប្រឹងដើម្បីធ្វើកីឡាទេ។ ការឡើងទម្ងន់ ជាសត្រូវចំបង បង្អស់របស់ជំងឺសន្លាក់។ ចាប់ពីអាយុ ៤០ឆ្នាំទៅ គួររួសរាន់មកជួបគ្រូពេទ្យនៅពេលមានរោគសញ្ញាការឈឺចាប់នៅតាម សន្លាក់។ សូមបរិភោគបាយបន្លែត្រីសាច់ និង ជីវជាតិគ្រប់មុខ ឱ្យបានស្មើៗគ្នាស្របតាម តម្រូវការរបស់រាងកាយ ដើម្បីរក្សាសុខភាពឱ្យបានល្អ៕
ជំងឺសន្លាក់ ARTHROSE គឺជាភាពចាស់រេចរឹលបន្តិចម្តងៗនៃស្រទាប់ឆ្អឹងខ្ចី។ ឆ្អឹងខ្ចី នេះរុំព័ទ្ធឆ្អឹង ដើម្បីសន្លាក់អាចងាក និងធ្វើចលនាដោយរអិលបាន។ នៅពេល ដែលឆ្អឹងខ្ចីនេះ ចាស់សឹករេចរឹល ខូចប្រើការលែងកើត នោះវានឹងបង្កផលវិបាកជាច្រើនដល់ឆ្អឹង ដែលនៅជុំជិត និង ទៅលើសន្លាក់ បង្កឲ្យមាន ការឈឺចាប់នៅតាមសន្លាក់ ឬ មានដៃជើង ខ្លួនប្រាណរឹង មិនទន់ភ្លន់ ពិបាកពត់ពេន បត់ខ្លួន នៅ ត្រង់សន្លាក់ ឬគាំងសន្លាក់ក៏មាន។
ប៉ុន្តែ ជំងឺសន្លាក់មិនប្រាកដថាពិតជាឱ្យរោគសញ្ញាឈឺចាប់ទេ ពេលខ្លះទាល់ តែទៅធ្វើការពិនិត្យថតឆ្លុះ ទើបដឹងថាឆ្អឹងខ្ចីខូច។ ផ្ទុយទៅវិញ អ្នកជំងឺខ្លះមានឆ្អឹងខ្ចី សឹករេចរឹលតែបន្តិច តែត្រូវរងការឈឺចាប់ជាអតិបរមាភ្លាម។
កត្តាផ្សេងៗនៃការសឹករេចរឹលរបស់ឆ្អឹងខ្ចី
រហូតមកទល់ពាក់កណ្តាលទសវត្សឆ្នាំ ៧០ គេគិតថា ជំងឺសន្លាក់ឆ្អឹងជាជំងឺមនុស្សចាស់។ មនុស្សចាស់ ដែលឆ្អឹងខ្ចីត្រូវសឹករេចរឹល ព្រោះតែការធ្វើចលនា ជារៀងរាល់ថ្ងៃ យូរៗទៅ។ ប៉ុន្តែក្នុងពេលថ្មីៗនេះ គេសង្កេតឃើញថាឆ្អឹងខ្ចី មិនប្រាកដថានឹងត្រូវសឹកខូច ដូចគ្រឿងយន្តដែលប្រើយូរទេ។ ឆ្អឹងខ្ចីមាន ការដុះដាលលូតលាស់ខ្លាំងណាស់។ ឆ្អឹងសឹករេចរឹលហើយមិនអាចដុះវិញបានបណ្តាលមកពីភ្នាក់ងារប៊ីយូគីមី ឬ គីមីសរីរាង្គ។ ភ្នាក់ងារគីមីសរីរាង្គ ដែលជាសារធាតុគីមីមានស្រាប់ក្នុងខ្លួនមនុស្សយើង ហើយដែលយើងបញ្ចេញចោល។ គឺនៅពេលនោះហើយ ដែលអ្នកវេជ្ជសាស្ត្រចាប់អារម្មណ៍ថា គេនឹងអាចរកឃើញ ការព្យាបាលមួយ ដើម្បីទប់ស្កាត់ការសឹករេចរឹលរបស់ឆ្អឹងខ្ចីបាន។
ប្រភេទនៃជំងឺសន្លាក់
ជំងឺសន្លាក់ដែលគេជួបប្រទះញឹកញាប់ជាងគេ គឺសន្លាក់ដៃ សន្លាក់ជើង។ បើ មាន ជីដូនជីតា ម្តាយ ឬបងប្អូនក្នុងគ្រួសារណាម្នាក់កើតជំងឺនេះហើយនោះ កូនចៅ ជំនាន់ក្រោយងាយនឹងឈឺសន្លាក់ដៃ ជើង ជង្គង់ សន្លាក់ឆ្អឹងក ចង្កេះ និង ម្រាមជើង ណាស់។ ក្រៅពីកត្តាតពូជរបៀបរបបរស់នៅ ក៏ជាផ្នែកមួយដ៏សំខាន់ បង្កឱ្យឆាប់មានបញ្ហាសន្លាក់ដែរ។ អ្នកបញ្ចេញកម្លាំងកាយខ្លាំង ធ្វើការធ្ងន់តាំងពីវ័យក្មេងៗ នឹងឆាប់មានបញ្ហាសន្លាក់ជាងអ្នកស្រណុកស្រួល មិនថាស្ត្រី ឬ បុរស ឬ ជាតិសាសន៍ ណាទេ។ ជាងនេះទៅទៀត បើអ្នកមានជំងឺសន្លាក់នៅដៃ ហើយប្រឹងធ្វើការ ប្រើដៃនោះច្រើន នោះនឹងធ្វើឱ្យជំងឺនេះកាន់តែធ្ងន់ធ្ងរ ហើយត្រូវគិតថាសន្លាក់នៅត្រង់កន្លែងផ្សេងៗទៀត ក៏មានបញ្ហាដែរ។
ការព្យាបាល
គ្មានការព្យាបាលណាមួយដែលប្រសើរជាងគេបំផុត តែមួយ អាចជួយបំបាត់ ការឈឺចាប់ ទប់ស្កាត់ការសឹកខូចខាតរបស់ឆ្អឹង និង ធ្វើឱ្យសន្លាក់មានចលនាប្រសើរ ជាងមុន បានទេ។ ម្យ៉ាងមកពីជំងឺសន្លាក់មានច្រើនកន្លែង ត្រូវការព្យាបាល តម្រូវតាមករណីនៃសន្លាក់នីមួយៗ និង ម្យ៉ាងវិញទៀត ពុំមានការព្យាបាលណា ដែលប្រសើរជាងគេ ឥតខ្ចោះនោះឡើយ។ ការព្យាបាលត្រូវតែធ្វើឡើងទៅតាមករណី ជាក់ស្តែង។
មានការព្យាបាលដោយថ្នាំ គ្រាន់បំបាត់ ការឈឺចាប់ និង ការព្យាបាល ឲ្យបានស៊ីជំរៅ ។ ជំងឺសន្លាក់ប្រៀបដូចភ្នំភ្លើង។ ភ្នំភ្លើងដែល ជួនស្ងប់ស្ងាត់ ជួនក៏ផ្ទុះឡើង បង្កជាការឈឺចាប់។
នៅពេលមានអាការៈឈឺចាប់ស្តែងឡើង គេអាចព្យាបាលដោយប្រើថ្នាំបំបាត់ ការឈឺចាប់ បានមួយរយៈ។ យើងគួរ ធ្វើសរសៃ ចាក់ម្ជុលវិទ្យាសាស្ត្រ ដើម្បីសម្រួលនិង កាត់បន្ថយការឈឺចាប់។ ការធ្វើសរសៃនេះ ជាប្រយោជន៍សំរាប់អ្នកដែលមានបញ្ហាសន្លាក់នៅជើង និង ឆ្អឹងខ្នង។ ការលេងកីឡា ជាការចាំបាច់សំរាប់អ្នកជំងឺ ប៉ុន្តែ ត្រូវធ្វើកីឡាឱ្យស្របនឹង កម្លាំងកាយ ស្របនឹងកម្លាំងសន្លាក់ មិនមែនសម្រប កម្លាំងសន្លាក់ ឬ ប្រឹងដើម្បីធ្វើកីឡាទេ។ ការឡើងទម្ងន់ ជាសត្រូវចំបង បង្អស់របស់ជំងឺសន្លាក់។ ចាប់ពីអាយុ ៤០ឆ្នាំទៅ គួររួសរាន់មកជួបគ្រូពេទ្យនៅពេលមានរោគសញ្ញាការឈឺចាប់នៅតាម សន្លាក់។ សូមបរិភោគបាយបន្លែត្រីសាច់ និង ជីវជាតិគ្រប់មុខ ឱ្យបានស្មើៗគ្នាស្របតាម តម្រូវការរបស់រាងកាយ ដើម្បីរក្សាសុខភាពឱ្យបានល្អ៕
No comments:
Post a Comment