Health and Sanitation (សុខភាពនិងអនាម័យ): June 2013

Saturday, June 15, 2013

សារធាតុគីមីនិងចំណីអាហារ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 12 កញ្ញា 2012

សារធាតុគីមីនិងចំណីអាហារ

ស្តាប់ (08:54)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដោយ អៀង សុខម៉ិញ

មិនថាម្ហូបអាហារផលិតតាមបែបឧស្សាហកម្ម ឬម្ហូបអាហារដាក់លក់តាមផ្សារ ធ្វើដោយចុងភៅតាមហាង ឬតាមគ្រួសារទេ សុទ្ធតែមានដាក់លាយទៅដោយសារធាតុគីមី ស្ទើរតែទាំងអស់ គ្រាន់ខ្លះតិច ខ្លះច្រើនតែប៉ុណ្ណោះ។ សារធាតុគីមី មានច្រើនយ៉ាង និងច្រើនប្រភេទ។ ជាសារធាតុគីមីបែបធម្មជាតិ និងសារធាតុគីមីផលិតដោយមនុស្ស។ តើគេប្រើប្រាស់សារធាតុគីមី ក្នុងម្ហូបអាហារ ដើម្បីអ្វី ? សារធាតុគីមីនោះអាចបង្កគ្រោះថ្នាក់ និងផលវិបាកដល់សុខភាពយ៉ាងខ្លះ ? សូមអញ្ជើញស្តាប់បទអន្តរាគមន៍របស់ លោក ជៀប គិមហ៊ាង វិស្វករផ្នែកកសិកម្មនិងចំណីអាហារ នៅប្រទេសបារាំង តាមរយៈបទសម្ភាសន៍ជាមួយអៀង សុខម៉ិញ។

ពាក្យគន្លឹះ : សុខភាព

វេជ្ជសាស្ត្រនៃការជួយបង្កកំណើតកូន

បោះពុម្ព
1
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 05 កញ្ញា 2012

វេជ្ជសាស្ត្រនៃការជួយបង្កកំណើតកូន

ស្តាប់ (09:52)

បញ្ចូលទៅក្នុង Playlist របស់ខ្ញុំ

ចម្លងទុក

Embed

វេជ្ជបណ្ឌិត ស៊ាន សុខទៀង

©rfi

ដោយ អៀង សុខម៉ិញ

គូស្វាមីភរិយាដែលមិនអាចសម្រេចបំណងមានកូនបាន មានជំនឿទៅរកជំនួយតាមការបន់ស្រន់ ប៉ុន្តែពេលនេះវេជ្ជសាស្ត្រកាន់តែរីកចម្រើន ពិគ្រោះជាមួយគ្រូពេទ្យ ដើម្បីស្វែងរកបុព្វហេតុ នៃការអត់កូន ទើបជាដំណោះស្រាយប្រសើរ។ អ្នកស្រីវេជ្ជបណ្ឌិត ស៊ាន សុខទៀន ឯកទេសសម្ភព និងរោគស្ត្រី នៅមន្ទីរពេទ្យកាល់ម៉ែត្រ និងដែលបានមកយកឯកទេសផ្នែកបង្កកំណើតបន្ថែមនៅប្រទេសបារាំង សូមជម្រាបជូនពីរបៀបជួយបង្កកំណើតខ្លះ ដែលអាចធ្វើបាននៅក្នុងមន្ទីរពេទ្យកម្ពុជាសព្វថ្ងៃនេះ។

ពាក្យគន្លឹះ : កម្ពុជា - សុខភាព

ធ្មេញទឹកដោះ ហេតុអ្វីបានជាពេលខ្លះមានពណ៌លឿង ?

បោះពុម្ព
0
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 29 សីហា 2012

ធ្មេញទឹកដោះ ហេតុអ្វីបានជាពេលខ្លះមានពណ៌លឿង ?

ស្តាប់ (07:42)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដោយ អៀង សុខម៉ិញ

នៅក្នុងនាទីសុខភាពនិងអនាម័យថ្ងៃនេះ អៀង សុខម៉ិញ បានអញ្ជើញវេជ្ជបណ្ឌិត Christophe Azevedo សូមជំរាបជូនលោកអ្នកនាង អំពីសុខភាពធ្មេញរបស់កុមារ។ ហេតុអ្វីបានជាធ្មេញក្មេងមានពណ៌លឿង ? ធ្មេញទឹកដោះមានប្រយោជន៍យ៉ាងណាខ្លះ ? តើត្រូវចាប់ផ្តើមដុសសម្អាតធ្មេញដោយប្រើច្រាស ពេលណា ? និងគួរជ្រើសរើសថ្នាំដុះធ្មេញប្រភេទណា ?

១- ហេតុអ្វីបានជាធ្មេញទឹកដោះរបស់កូនក្មេង មានពណ៌ឡើងលឿង ? ជាធម្មតាម្តាយគ្រប់រូបគិតថាធ្មេញលឿងគឺបណ្តាលមកពីកុមារនោះបាន ប្រើប្រាស់ថ្នាំផ្សះច្រើន តើគំនិតនេះសមហេតុផលដែរឬទេ ?!

វេជ្ជបណ្ឌិត Christophe Azevedo ៖ និយាយដោយស្មោះត្រង់ គំនិតដែលចោទថ្នាំផ្សះថាជាបុព្វហេតុនាំធ្មេញលឿង លែងសមហេតុផលហើយ ! សូមកុំភ្លេចថា ធ្មេញស្រុក នឹងមានសភាពលឿងជាងធ្មេញព្រៃ ឬធ្មេញទឹកដោះ ព្រោះធ្មេញស្រុកមានការលូតលាស់ រចនាសម្ព័ន្ធ និងសាច់ធ្មេញខុសពីធ្មេញទឹកដោះ។ កាលពីមុនគេអាចគិតដូច្នោះបាន គិតថាលេបថ្នាំផ្សះច្រើននឹងអាចធ្វើឱ្យធ្មេញលឿងខ្លាំង ប៉ុន្តែពេលសម័យបច្ចុប្បន្ននេះ អ្នកស្រាវជ្រាវវេជ្ជសាស្ត្របានដឹងហើយ ព្រមទាំងមានការប្រុងប្រយ័ត្ន មិនឱ្យមានថ្នាំផ្សះអង់ទីប៊ីយ៉ូទិចណាបង្ក ឬរំខានដល់សុខភាពធ្មេញទៀតទេ។ ពណ៌លឿងជាញឹកញាប់ច្រើនបណ្តាលមកពីកាលសំណល់ សំអេកជាប់កកលើធ្មេញប៉ុណ្ណោះ។

២- ចុះធ្មេញឡើងពណ៌ខ្មៅ ?

- វេជ្ជបណ្ឌិត Christophe Azevedo ៖ ក្នុងករណីនេះ ត្រូវទៅជួបគ្រូពេទ្យឯកទេសធ្មេញភ្លាម។ ប្រសិនបើសាច់ធ្មេញទឹកដោះខាងក្នុងមានពណ៌ខ្មៅ នោះអាចជាការប្រែប្រួលជាលិកា ជាលិការស់របស់ធ្មេញដែលរងការប៉ះទង្គិច មានគ្រាំ សរសៃប្រសាទដំណើរការមិនស្រួល ទើបធ្វើឱ្យសភាពខ្មៅៗលេចឡើងនៅក្នុងធ្មេញ ដូច្នេះត្រូវទៅព្យាបាលភ្លាម។

៣- កុមារដែលបាក់ធ្មេញព្រៃមុនអាយុកាល តើអាចមានផលវិបាកអ្វីទៅថ្ងៃក្រោយដែរឬទេ?

- វេជ្ជបណ្ឌិត Christophe Azevedo ៖ នោះវាអាស្រ័យទៅនឹងពេលវេលានៃការបាក់ធ្មេញ។ បើបាក់ឬបែកជ្រុះធ្មេញទឹកដោះ ពេលជិតដល់អាយុបាក់ជាធម្មជាតិ នោះវាមិនអីទេ។ ធ្មេញស្រុកនឹងលូតលាស់ដុះចេញមកជំនួសកន្លែងធ្មេញព្រៃលឿនៗ។ ផ្ទុយទៅវិញ បើកុមារ បាក់ធ្មេញទឹកដោះឆាប់ពេក នៅអាយុតិចទើបតែពីរឬបីខួប នោះត្រូវសាកល្បងយកធ្មេញបាក់មកភ្ជាប់វិញ ព្រោះថាធ្មេញព្រៃនេះមានតួនាទីសំខាន់ណាស់ ក្នុងការរក្សាកន្លែង។ ប្រសិនបើគ្មានធ្មេញព្រៃទេ ធ្មេញផ្សេងៗទៀតអាចយកកន្លែង បិទមិនឱ្យធ្មេញសុ្រកដុះលូតលាស់ចេញមកក្រៅបាន។ ម្យ៉ាងទៀត ចំពោះធ្មេញកណ្តុរខាងមុខវិញ មានតួនាទីសំខាន់បន្ថែមមួយទៀតក្នុងការសិក្សានិងបញ្ចេញសំឡេងរៀន ភាសានិយាយ។ ជាដំណោះស្រាយ បើមិនអាចភ្ជាប់ធ្មេញបានទេ នោះត្រូវតែទៅពេទ្យដើម្បីបំពេញចន្លោះ ធ្មេញនេះ ឱ្យរក្សាកន្លែងទំនេរសម្រាប់ធ្មេញស្រុក។

៤- ចាប់អាយុប៉ុន្មានខែ ប៉ុន្មានឆ្នាំ គួរចាប់ផ្តើមដុះធ្មេញឱ្យកុមារ ? ព្រោះថាមិនជាការងាយស្រួលទេដែលចាប់បង្ខំឱ្យទារក កុមារបើកមាត់ ហើយចាប់ដុសធ្មេញ ម្តាយគ្រប់រូបតែងតែខ្លាចធ្វើឱ្យកូនឈឺទៀតផង !

- វេជ្ជបណ្ឌិត Christophe Azevedo ៖ មិនត្រូវរុញរា ខ្លាចទេ ! នៅពេលដែរកុមារមានធេ្មញដុះចេញមកក្រៅពេញរូបរាងហើយ ពោលគឺនៅអាយុប្រមាណ៦ខែ ធ្មេញនោះអាចរងការវាយប្រហារដង្កូវស៊ីបានគ្រប់ពេលវេលា ដូច្នេះអ្នកជាឪពុកម្តាយត្រូវតែថៃទាំសម្អាតធ្មេញនោះឱ្យកូន ដោយជាបឋមត្រូវប្រើសំឡីកុំប្រេសពេទ្យសើមៗយកទៅជូតដុសលើធ្មេញ។ ដល់អាយុ១៨ខែ (មួយឆ្នាំកន្លះ) នៅពេលដែលចាប់ផ្តើមមានធ្មេញមុនថ្គាម នោះយើងអាចចាប់ផ្តើមដុះធ្មេញដោយប្រើកូនច្រាស និងដាក់ថ្នាំដុសធ្មេញបន្តិចនៅចុងច្រាស។ ដើម្បីការពារកុំឱ្យកុមារលេបថ្នាំដុសធ្មេញអ្នកជាម្តាយ ឬឪពុកត្រូវតែជួយដុសឱ្យកូន តែបើលេបបន្តិចបន្តួចក៏មិនអីដែរ។

៥- តើមានក្បួន និងច្បាប់វិធាននៃការដុសសម្អាតធ្មេញ ?

- វេជ្ជបណ្ឌិត Christophe Azevedo ៖ ក្បួនដុសសំខាន់បំផុត ដែលត្រូវទម្លាប់កុមារឱ្យដឹង គឺត្រូវដុសធ្មេញទាំងអស់ ធ្មេញមានច្រើន ជាទូទៅយើងច្រើនតែភ្លេចធ្មេញដែលនៅក្នុងៗ ជ្រៅៗ។ ឆ្លុះកញ្ចក់ដុះឱ្យគ្រប់ធ្មេញ តាមសម្រួល មិនបាច់ប្រើកម្លាំងទេ តែគ្រប់ធ្មេញទាំងអស់។ ហើយក្នុងវ័យនេះ មិនចាំបាច់អ្វីត្រូវគោរពរបៀបរបបដុស ពីលើចុះក្រោម ពីក្រោមឡើងលើ ឬជារង្វង់លើធ្មេញទេ។ ច្រាសដុសធ្មេញ យកល្អត្រូវមានសរសែទន់ៗ។ ច្រាសដុសធ្មេញដាក់ថ្ម ឬដើរដោយអគ្គិសនី គ្មានប្រយោជន៍សោះសំរាប់កុមារ លើកលែងតែក្មេងជំទង់ និងមនុស្សចាស់ទើបអាចទាញផលល្អពីច្រាសដុសធ្មេញប្រភេទនេះ។

៦- តើជាការញឹកញាប់ទេដែលធ្មេញទឹកដោះអាចមានដង្កូវស៊ី ?

- វេជ្ជបណ្ឌិត Christophe Azevedo ៖ ធ្មេញទឹកដោះ ក៏ដូចជាធ្មេញផ្សេងៗទៀតដែរ អាចទទួលរកការវាយប្រហារពីសំណាក់សារធាតុអាស៊ីត ឬដង្កូវស៊ី បានគ្រប់ពេលវេលា ! អាការៈនេះ អាស្រ័យទាំងស្រុងទៅលើរបៀបរបបរស់នៅ ការរក្សាអនាម័យមាត់ធ្មេញ មុននឹងចូលគេង ត្រូវតែដុះធ្មេញ និងជាពិសេសមានរបបចំណីអាហារត្រឹមត្រូវ។ មិនត្រូវឱ្យកូនបៅទឹកដោះគោពេលចូលគេង ហើយបៀមស្តឹមទាល់តែលក់ទេ។ ទឹកគោនេះអាចធ្វើឱ្យដង្កូវស៊ីធ្មេញផ្នែកខាងក្រៅ។

៧- ចាប់ពីអាយុប៉ុន្មានឡើងទៅ ដែលឪពុកម្តាយគួរនាំកុមារទៅពិនិត្យសុខភាពមាត់ធ្មេញ?

-          វេជ្ជបណ្ឌិត Christophe Azevedo ៖ កាន់តែឆាប់កាន់តែល្អ ដើម្បីទម្លាប់កូនឱ្យស្គាល់ពេទ្យ ស្គាល់ថ្នាំ ស្គាល់ក្លិន ហ៊ានឡើងគ្រែ ឱ្យពេទ្យមើលធ្មេញ ។ល។ អាយុបីឆ្នាំ ការពិនិត្យសុខភាពធ្មេញគួរតែត្រូវធ្វើ ដើម្បីមើលការវិវត្តន៍របស់ធ្មេញផង និងដើម្បីវែករកធ្មេញមានជំងឺផង ព្រោះជាញឹកញាប់មានដង្កូវស៊ីធ្មេញតែ ម្តាយឪពុកមិនបានចាប់អារម្មណ៍។

ខាងក្រោមនេះជាការជ្រើសរើស ថ្នាំដុះធ្មេញ សមស្របតាមអាយុកុមារ

-          រហូតដល់អាយុបីឆ្នាំ (ពី១២ខែ ដល់ ៣៦ខែ) ត្រូវជ្រើសរើសថ្នាំដុសធ្មេញដែលមានសារធាតុ កំហាប់ផ្លុយអ័រ ៥០០ ppm de Fluor - ដុសម្តងក្នុងមួយថ្ងៃ មុនពេលចូលគេង
-          ៣ ទៅ ៦ឆ្នាំ ត្រូវជ្រើសរើសថ្នាំដុសធ្មេញ ក្នុងកំរិតផ្លុយអ័រ ៥០០ ppm de Fluor ពីរដង ក្នុងមួយថ្ងៃ
-          ចាប់ពីអាយុ ៦ឆ្នាំ ឡើងទៅ អាចប្រើថ្នាំដុសធ្មេញដែលមានកំហាប់ជាតិផ្លុយអ័រ ពី១០០០ ដល់ ១៥០០ ppm de Fluor ពីរដងក្នុងមួយថ្ងៃ ម្តងៗរយៈពេលបីនាទី។

លេបថ្នាំដុសធ្មេញបន្តិចបន្តួចចូលពោះមិនជាថ្វីទេ ប៉ុន្តែបរិមាណជាតិផ្លុយអ័រ គួរតែត្រូវគោរពឱ្យបាន ព្រោះហួសចំណុះជាតិផ្លុយអ័រ ក៏អាចជាបុព្វហេតុនាំឱ្យធ្មេញឡើងពណ៌ដែរ៕

ពាក្យគន្លឹះ : សុខភាព

ផលប្រយោជន៍នៃការពិនិត្យគភ៌ ពេលកំពុងពពោះ

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 22 សីហា 2012

ផលប្រយោជន៍នៃការពិនិត្យគភ៌ ពេលកំពុងពពោះ

ស្តាប់ (09:34)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ពិនិត្យផ្ទៃពោះ មិនត្រឹមតែដើម្បីដឹងពីភេទរបស់កូនទេ តែដើម្បីសុខភាពម្តាយ និងទារក មុន ក្រោយ និងពេលសម្រាល

guetty/ MedicalRF

ដោយ អៀង សុខម៉ិញ

អញ្ជើញមកពិនិត្យផ្ទៃពោះ តាំងពីដំបូងភ្លាម គឺជាការចាំបាច់ ក្នុងការរក្សាសុខភាព ទាំងអ្នកជាម្តាយ និងទារក ក្នុងពេលកំពុងពពោះ ពេលសម្រាល និងពេលក្រោយសម្រាល។ ការពិនិត្យផ្ទៃពោះ ឲ្យបានបួនដងយ៉ាងតិច អនុញ្ញាតឲ្យក្រុមគ្រូពេទ្យ តាមដានសុខភាព និងរកឃើញជំងឺគ្រោះថ្នាក់ដល់ជីវិតមួយចំនួន ដែលអាចកើតនៅលើម្តាយ និងទារក ក្នុងពេលឆ្លងទន្លេ និងក៏ជាឱកាសមួយដែលស្ត្រីបានទទួលការអប់រំទូន្មានពីគ្រូពេទ្យ អំពីចំណីអាហារ និងការបំបៅដោះកូនផង។

សូមអញ្ជើញស្តាប់ការពន្យល់បំភ្លឺបន្ថែមរបស់លោកសាស្ត្រាចារ្យ វេជ្ជបណ្ឌិត ប៉ិច សុធី អនុប្រធានផ្នែកសម្ភពនៃមជ្ឈមណ្ឌលជាតិគាំពារមាតានិងទារក និងនៅមន្ទីរសម្ភពសោភា។

ពាក្យគន្លឹះ : កម្ពុជា - សុខភាព

គុណប្រយោជន៍នៃទឹកដោះម្តាយ

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 15 សីហា 2012

គុណប្រយោជន៍នៃទឹកដោះម្តាយ

ស្តាប់ (07:06)

បញ្ចូលទៅក្នុង Playlist របស់ខ្ញុំ

ចម្លងទុក

Embed

Domaine public/Usda

ដោយ អៀង សុខម៉ិញ

ការស្រាវជ្រាវវេជ្ជសាស្ត្របានរកឃើញកាន់តែច្រើនឡើងៗពី គុណប្រយោជន៍នៃការបំបៅដោះកូន។ ការបំបៅអាចផ្តល់ផលចំណេញដល់ទាំងកូន ទាំងម្តាយ។ តើគុណប្រយោជន៍នោះមានអ្វីខ្លះទៅ ? តើគេគួរត្រូវបំបៅកូនរយៈពេលប៉ុណ្ណា ទើបល្អ?

គុណប្រយោជន៍នៃទឹកដោះម្តាយ គឺមានច្រើនណាស់ ! កាន់តែគិត គេកាន់រកឃើញអំពីភាពល្អប្រសើរនៃទឹកដោះម្តាយនេះ។ នៅក្នុងប្រទេសជឿនលឿនខ្លាំង ជាពិសេសបណ្តាប្រទេសនៅអឺរ៉ុបភាគខាងជើង មានជាអាទិ៍ប្រទេសណ័រវេស ហ្វាំងឡង់ ស្ត្រីជាម្តាយស្ទើរតែ១០០ភាគរយបំបៅដោះកូន។ ព្រោះនៅក្នុងប្រទេសទាំងនោះ ព័ត៌មានអំពីគុណភាពនៃទឹកដោះម្តាយត្រូវបានគេផ្សព្វផ្សាយទូលំទូលាយ ល្អ។

គុណប្រយោជន៍នៃការបំបៅដោះមានច្រើន និងពីរកំរិត ៖ ទីមួយគឺអ្នកជាម្តាយផ្ទាល់ ទីពីរគឺសម្រាប់ទារក។
- ម្តាយ ៖ តាមរយៈការស្រាវជ្រាវវេជ្ជសាស្ត្រ បំបៅដោះកូន អាចកាត់បន្ថយគ្រោះកើតជំងឺមហារីកសុដន់។
- ទារក ៖ ទឹកដោះម្តាយអាចជួយការពារទារកប្រឆាំងនឹងជំងឺឆ្លងជាច្រើន ជំងឺអាឡែកហ្ស៊ី ជំងឺធាត់ជ្រុល។ សារធាតុផ្សំនៅក្នុងទឹកដោះម្តាយមានលក្ខណៈពិសេសណាស់ (ទឹកដោះគោម្សៅ មិនប្រាកដជាដាក់លាយសារធាតុពិសេសនេះ នៅគ្រប់ម៉ាកទេ)។ សារធាតុពិសេសនេះ នេះជាជំនួយយ៉ាងពិសេសអនុញ្ញាតឲ្យខួរក្បាល និងភ្នែក មានការវិវឌ្ឍន៍យ៉ាងល្អប្រសើរ។

គុណភាពផ្នែកទ្រទ្រង់សរីរាង្គកាយ ៖ ទឹកដោះម្តាយដំបូង មានគុណប្រយោជន៍ខ្លាំងណាស់ និងឆ្លើយតបទាំងស្រុងទៅនឹងតម្រូវការរបស់ទារកទើបនឹងកើត។ ទឹកដោះថ្ងៃទីដំបូង ជាទឹកដាស់ប្រព័ន្ធអាហារទារកឲ្យដំណើរការ។ ទឹកដោះម្តាយដំបូង គឺប្រៀបដូចជាថ្នាំសក្តិសិទ្ធិជាប្រព័ន្ធការពារសរីរាង្គកាយទារក ប្រឈមនឹងបរិស្ថានជុំវិញខ្លួន។ ទឹកដោះម្តាយមានសារធាតុស្ករតិចតួចបំផុត ដែលនេះអាចរក្សាលំនឹងជាតិស្ករឲ្យទារកបានយ៉ាងសមស្រប។

នៅក្នុងថ្ងៃទីពីរ ទីបី និងក្នុងថ្ងៃបន្តបន្ទាប់ ទឹកដោះម្តាយ កើនទាំងបរិមាណ និងទាំងគុណភាព។ សារធាតុគ្លុយស៊ីត កើនឡើង ឯសារធាតុប្រូតេអ៊ីន ថយចុះបន្តិច ខ្លាញ់ លីពីត កាន់តែសម្បូរបែប។

លោកវេជ្ជបណ្ឌិត Dr. Kamel Bargaoui ណែនាំអ្នកជាម្តាយឲ្យ បំបៅដោះកូនពេញ ៦ខែ ដំបូង ព្រោះដើម្បីឲ្យទារកអាចទាញយកប្រយោជន៍ពីទឹកដោះម្តាយបានយ៉ាងពេញ ទំហឹង។ ក្នុងដំណាក់កាល៦ខែដំបូងនៃជីវិតរបស់កូន ដែលជារយៈពេលលូតលាស់ខ្លាំង ទារកងាយនឹងទទួលរងគ្រោះថ្នាក់ណាស់ នៅចំពោះមុខជំងឺ និងមេរោគឆ្លង។ ហេតុផលទីពីរ ដែលជាសំអាងជួយជំរុញឲ្យបំបៅដោះកូនសុទ្ធ គឺគុណភាពទឹកដោះ ក្នុងការចិញ្ចឹមសរីរាង្គកាយ។

ម្យ៉ាងវិញទៀត ប្រសិនបើលោកអ្នកនាងបំបៅកូនលាយជាមួយនឹងទឹកដោះគោម្សៅ ទារកងាយនឹងងាកទៅរកការបៅនឹងក្បាលដបណាស់ ព្រោះក្មេងមិនត្រូវការប្រឹង។
ប៉ុន្តែប្រសិនបើអ្នកជាម្តាយពរពោះ កូនបន្ទាប់ ក្នុងរយៈពេលដែលកូនមុននៅតូចនៅឡើយ គួរគប្បីកុំបំបៅដោះកូនអ្វី ព្រោះពេលពរពោះ ស្ត្រីមានបញ្ចេញជាតិអ័រមូនខ្លាំង៕

ពាក្យគន្លឹះ : សុខភាព

ជំងឺក្បាលធំ

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 08 សីហា 2012

ជំងឺក្បាលធំ

ស្តាប់ (10:39)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដោយ អៀង សុខម៉ិញ

នៅថ្ងៃពុធសប្តាហ៍នេះ អៀងសុខម៉ិញ សូមណែនាំឲ្យលោកអ្នកនាងបានស្គាល់អំពីជំងឺក្បាលធំរបស់កុមារ ដែលគេសង្កេតឃើញមានច្រើនគួរសមនៅក្នុងប្រទេសកម្ពុជា។ ការតាមដានសុខភាព វាស់កម្ពស់ ទម្ងន់ និងរង្វង់ក្បាលកុមារ តាមការកំណត់ ជាការចាំបាច់ ព្រោះវាអាចអនុញ្ញាតឲ្យគ្រូពេទ្យមើលឃើញពីការវិវឌ្ឍន៍របស់កុមារ ផង និងចាប់អារម្មណ៍ពីភាពមិនប្រក្រតីមួយចំនួនផង មានជាអាទិ៍ជំងឺក្បាលធំ។ តើជំងឺក្បាលធំជាអ្វី ? វាធ្វើឲ្យប៉ះពាល់ដល់សុខភាពយ៉ាងណា? និងព្យាបាលបានដែរឬទេ ? សូមស្តាប់ប្រសាសន៍របស់លោកវេជ្ជបណ្ឌិត វូ សុភៈរស្មី គ្រូពេទ្យឯកទេសវះកាត់ប្រព័ន្ធប្រសាទ នៅមន្ទីរពេទ្យកាល់ម៉ែត្រ ក្រុងភ្នំពេញ។ សូមអញ្ជើញស្តាប់។

ពាក្យគន្លឹះ : សុខភាព

តើត្រូវឈប់ប្រើថ្នាំ Di-antalvic ដោយវិធីណា ?

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 01 សីហា 2012

តើត្រូវឈប់ប្រើថ្នាំ Di-antalvic ដោយវិធីណា ?

ស្តាប់ (08:26)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ថ្នាំDi-antalvic នឹងត្រូវដកចេញពីទីផ្សារលែងឲ្យធ្វើចរាចរណ៍ និងប្រើប្រាស់នៅចុងខែកុម្ភៈ២០១១

©assafp

ដោយ អៀង សុខម៉ិញ

បារាំងជាប្រទេសមួយ ដែលមានឈ្មោះបោះសំឡេង ខាងវិស័យសុខាភិបាល។ ថ្នាំផលិតនៅស្រុកបារាំង ត្រូវបានគេទទួលស្គាល់ថាមានប្រសិទ្ធិភាពខ្ពស់។ ប៉ុន្តែនៅពេលថ្មីៗនេះ មានរបាយការណ៍ជាសាធារណៈបង្ហាញពីគ្រោះថ្នាក់បង្កឡើងដោយការប្រើ ប្រាស់ថ្នាំមួយចំនួន។ រឿងអាស្រូវនេះ បានរីករាលដាល រហូតលេចចេញបញ្ជីវែងអន្លាយឈ្មោះថ្នាំ “សង្ស័យ” ដែលត្រូវទទួលរងការតាមដាន និងត្រួតពិនិត្យ យ៉ាងសកម្ម។
ហេតុអ្វីបានជាថ្នាំទាំងនោះស្ថិតក្នុងការត្រួតពិនិត្យតាមដាន ? តើគេនៅតែអាចបន្តប្រើប្រាស់ថ្នាំទាំងនោះទៀតបានដែរឬទេ ? ក្នុងអ្នកជំងឺកំពុងទទួលព្យាបាលដោយថ្នាំទាំងនោះ តើគេត្រូវធ្វើដូចម្តេច ? គេត្រូវឈប់លេបវាភ្លាមឬ យ៉ាងណា ?

តាំងពីមានរឿងអាស្រូវទាក់ទងនឹងថ្នាំ Médiator សម្រាប់ព្យាបាលជំងឺទឹកនោមផ្អែម បានបង្កឲ្យអ្នកជំងឺជាច្រើនស្លាប់មក ថ្នាំប្រភេទនេះត្រូវបានគេចាត់ចូលក្នុងបញ្ជីតាមដានត្រួត ពិនិត្យបន្តទៅទៀត។ អ្នកជំងឺដែលទទួលទានថ្នាំប្រភេទនេះ ក្នុងអំឡុងពេលបីខែចុងក្រោយ ត្រូវតែអញ្ជើញមកជួបគ្រូពេទ្យវិញ ដើម្បីពិគ្រោះជំងឺឡើងវិញ និងដើម្បីតាមដានសុខភាព ដែលអាចបង្កឡើងដោយ Mediator។ មិនតែប៉ុណ្ណោះ រឿងអាស្រូវនេះ បានធ្វើឲ្យរាលដាលដល់ថ្នាំជាច្រើនប្រភេទទៀត។

ជាក់ស្តែង កាលពីដើមខែកុម្ភៈ ឆ្នាំ ២០១១ កន្លងទៅថ្មីៗនេះ រដ្ឋាភិបាលបារាំងបានផ្សព្វផ្សាយបញ្ជីឈ្មោះថ្នាំ ដែលត្រូវបញ្ឈប់លែងឲ្យធ្វើចរាចរណ៍ នៅលើទីផ្សារ និងបញ្ជីឈ្មោះថ្នាំដែលស្ថិតក្រោមការត្រួតពិនិត្យ។ ថ្នាំខ្លះ ជាថ្នាំដែលយើងធ្លាប់ស្គាល់ និងប្រើប្រាស់ញឹកញាប់រាល់ថ្ងៃទៀត។

ព្រោះសូមបញ្ជាក់ថា នៅប្រទេសបារាំង រាល់ថ្នាំពេទ្យដែលបានទទួលការអនុញ្ញាតឲ្យធ្វើចរាចរណ៍លើទីផ្សារ ហើយ នៅតែត្រូវទទួលការតាមដានពិនិត្យជាបន្ត ដើម្បីរកពីផលប៉ះពាល់ ពីប្រតិកម្មរបស់ថ្នាំមកលើអ្នកប្រើប្រាស់ ដែលគេមិនចង់បាន Effet indésirable។

ថ្នាំមួយមុខៗ អាចចេញលក់លើទីផ្សារ ទាល់តែមានការទទួលយល់ព្រមពីក្រសួងសុខាភិបាល ហើយដើម្បីបញ្ឈប់ ពីផ្សារ ក៏ត្រូវតែមានដំណើរការតាមដាន ពិនិត្យយ៉ាងល្អិតល្អន់សិនដែរ មុននឹងប្រកាសឈប់ឲ្យធ្វើចរាចរណ៍បាន។

ថ្នាំទាំងអស់នោះមានច្រើនប្រភេទ សរុបចំនួន៧៧មុខ និង១២ប្រភេទ ត្រូវបានចាត់ចូលក្នុងបញ្ជីឈ្មោះថ្នាំកំពុងតាមដាន និងត្រូវបានចេញផ្សាយជាសាធារណៈនៅដើមខែកុម្ភៈនេះ ដោយរដ្ឋមន្ត្រីក្រសួងសុខាភិបាលបារាំង។

- ថ្នាំសម្រាប់បំបាត់ការឈឺចាប់ ជំងឺទឹកនោមផ្អែម - បញ្ចុះទម្ងន់ - ឈឺសន្លាក់ដៃជើង - ជំងឺបេះដូង -ព្យាបាលជំងឺមហារីក -ជំងឺស៊ីដា -បំបាត់ទុក្ខព្រួយ -ការពារកើតមុន -ជំងឺឆ្កួតជ្រូក -ជំនួយដំណេក -ការពារជំងឺសើស្បែក -ការពារមហារីកស្បូន ។ល។ និង ។ល។

ចំណែកថ្នាំបំបាត់ការឈឺចាប់ Di-Antavic នឹងដកចេញពីផ្សារ លែងឲ្យធ្វើចរាចរណ៍ ចាប់ពីថ្ងៃទី១មីនា២០១១នេះទៅ។ ព្រោះវាអាចបង្កឲ្យមានផលវិបាក និងប្រតិកម្មជាច្រើន ដូចជា ៖ ក្អួតចង្អោរ- ឈឺពោះអស់កម្លាំង- វិលមុខ- ងងុយគេង- រលាក ឬរលួយថ្លើម- ក្នុងករណីប្រើហួសកំរិតនឹងអាចនាំឲ្យគាំងបេះដូងស្លាប់។

ប៉ុន្តែសូមមេត្តាកុំបញ្ឈប់ការប្រើប្រាស់ថ្នាំទាំងនោះដោយឯកឯង ដោយគ្មានបញ្ជាពីវេជ្ជបណ្ឌិត និងឱសថការី៕

ផ្តល់ព័ត៌មានដោយ លោកស្រីឱសថការីបណ្ឌិត ឃុន វ៉ារី

ការហាត់ប្រាណតាមបែបបូរាណចិន QI GONG

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 18 កក្កដា 2012

ការហាត់ប្រាណតាមបែបបូរាណចិន QI GONG

ស្តាប់ (08:20)

បញ្ចូលទៅក្នុង Playlist របស់ខ្ញុំ

ចម្លងទុក

Embed

អ្នកគ្រូ គេ វិន បង្ហាញក្បាច់ហាត់ប្រាណនៅប្រទេសចិន

ដោយ អៀង សុខម៉ិញ

QI GONG ការហាត់ប្រាណបែបបូរាណចិន ដើម្បីសុខភាព មានវត្តមាននៅក្នុងប្រទេសបារាំងតាំងពីជាង២០ឆ្នាំមកហើយ ហើយបានទទួលការស្វាគមន៍ និងវិវឌ្ឍ យ៉ាងលឿន នៅក្នុងប្រទេសនេះ។ ប៉ុន្តែ QI GONG ដែលមានប្រភព ទ្រឹស្តីទាក់ទងនឹងលទ្ធិតៅនិយម ត្រូវបានសង្គមបារាំងចាត់ទុកជាការហាត់ប្រាណដើម្បីសុខភាព ប៉ុណ្ណោះ។

អន្តរាគមន៍ពីអ្នកគ្រូ គេ វិន ប្រធានមជ្ឈមណ្ឌលវប្បធម៌ចិន ប្រចាំទីក្រុងប៉ារីស នៅថ្ងៃពុធទី ១ កញ្ញា ២០១០។
រូបថតខ្លះនៃការហាត់ប្រាណ QI Gong

លំហាត់មួយនៃ Qi Gong

ពាក្យគន្លឹះ : សុខភាព

ការវះកាត់បន្សាំសរីរាង្គ

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 11 កក្កដា 2012

ការវះកាត់បន្សាំសរីរាង្គ

ស្តាប់ (08:39)

បញ្ចូលទៅក្នុង Playlist របស់ខ្ញុំ

ចម្លងទុក

Embed

បេះដូងមនុស្ស

ដោយ អៀង សុខម៉ិញ

នៅថ្ងៃនេះ នាងខ្ញុំមានសេចក្តីសោមនស្សរីករាយ លើកយកមកជម្រាបជូនអស់លោកអ្នកនាង នូវរបៀបវះកាត់ម្យ៉ាង ដែលភាសាបារាំងហៅថា Transplantation។

ជាការវះកាត់ ប្តូរសរីរាង្គ ដែលខូច និងដែលចាំបាច់សម្រាប់ជីវិត ដោយដាក់ជំនួសមកវិញនូវសរីរាង្គថ្មីរបស់ “មនុស្សម្នាក់” ផ្សេងទៀតដែលបានស្លាប់ទៅហើយ តែសរីរាង្គនោះនៅល្អនៅឡើយ។ ឧទាហរណ៍ មនុស្សម្នាក់ទទួលរងគ្រោះថ្នាក់ចរាចរណ៍ ត្រូវស្លាប់ភ្លាមព្រោះបោកក្បាលបែកហូរឈាម ប៉ុន្តែបេះដូងគាត់ ជាបេះដូងដែលមានសុខភាពល្អ ដូច្នេះគេអាចវះកាត់យកបេះដូងរបស់គាត់ ទៅឲ្យអ្នកជំងឹម្នាក់ផ្សេងទៀតដែលត្រូវការបេះដូង ដើម្បីរស់ ព្រោះបេះដូងកំណើតខូច។

ការវះកាត់ប្តូរសរីរាង្គ មិនមែនចេះតែធ្វើទៅកើត ដោយងាយៗនោះទេ។ វាទាមទារទាំងពេលវេលា ទាំងភាពស៊ីចង្វាក់គ្នារវាង អ្នកផ្តល់ និងអ្នកទទួល។ និងទាមទារការថែទាំ តាមដានក្រោយពេលវះកាត់ជាច្រើនទៀត។ ប៉ុន្តែតាមរយៈការវិវឌ្ឍន៍ឥតឈប់ឈរនៃវិទ្យាសាស្ត្រ និងវេជ្ជសាស្ត្រ ការវះកាត់ប្រភេទនេះក៏កាន់តែមានប្រសិទ្ធិភាពជាងមុន ពីមួយថ្ងៃទៅមួយថ្ងៃដែរ។ នៅប្រទេសបារាំង តែងមានយុទ្ធនាការឃោសនា ផ្សព្វផ្សាយឲ្យប្រជាជនទាំងឡាយបានយល់ដឹងពីអត្ថប្រយោជន៍នៃការ ធ្វើទានសរីរាង្គ។
តើគេអាចវះកាត់ប្តូរអ្វីបានខ្លះ ?

តាមនិយមន័យ គឺការប្តូរសរីរាង្គមានជីវិត ដែលមានតួនាទីចាំបាច់បំផុត ដើម្បីភាពរស់រានមានជីវិតរបស់មនុស្ស។ គេធ្វើប្តូរសរីរាង្គដែលស្លាប់ ដោយសរីរាង្គមួយទៀតដែលមានជីវិត មានជាអាទិ៍ បេះដូង សួត ថ្លើម។ ប៉ុន្តែពេលបច្ចុប្បន្ននេះ គេអាចធ្វើការប្តូរផ្លាស់ក្រលៀន ទោះបីជាពេលខ្លះគេអាចធ្វើការព្យាបាលតាមរយៈការលាងឈាម (Dialyse) បានក៏ដោយ។ ដូច្នេះ បើនិយាយជាសរុបទៅពេលនេះ ដោយសារបច្ចេកវិទ្យាកាន់តែទំនើប មានសរីរាង្គច្រើនជាងមុន ដែលគេអាចធ្វើការកាត់តប្តូរផ្លាស់បាន។ ហើយសូមបញ្ជាក់ថា មិនមែនមានតែសរីរាង្គទេ ដែលអាចប្តូរបាន សូម្បីតែកោសិកាខ្លះក៏គេអាចប្តូរបានដែរ។ គេនឹងអាចប្តូរកោសិកាដែលងាប់ ដោយកោសិកាមនុស្ស ឬ កោសិកាសត្វផងក៏ថាបាន នៅថ្ងៃអនាគត។

ដើម្បីឲ្យអស់លោកអ្នកនាងបានជ្រាប និងកាន់តែយល់ច្បាស់អំពីការវះកាត់ប្តូរសរីរាង្គនេះ យើងខ្ញុំបានជួបជាមួយនឹងអ្នកជំងឺម្នាក់ ដែលស្លាប់ទៅហើយ នៅអាយុ១៩ឆ្នាំ តែបែរជារស់ឡើងវិញ ព្រោះគេអាចរកបេះដូងមកជំនួសឲ្យនាងបានទាន់ពេលវេលា។ សំរាប់នាង នាងត្រូវចងចាំជានិច្ចថា បេះដូងនៅក្នុងខ្លួនជាបេះដូងរបស់មនុស្សម្នាក់ ដើម្បីជាកិច្ចតបស្នងសងគុណដល់សប្បុរជន ដែលបានចែកឋានហើយ តែមិនយកបេះដូងទៅជាមួយ។

“ខ្ញុំបានវះកាត់ប្តូរបេះដូង កាលពីឆ្នាំកន្លងទៅ ព្រោះបេះដូងពីកំណើតរបស់ខ្ញុំខូច មានជំងឺ ព្រោះបញ្ហាជំងឺតពូជ។ បេះដូងផ្នែកខាងឆ្វេងរបស់ខ្ញុំ រីកធំឡើងៗឥតឈប់ឈរ ធ្វើឲ្យខ្ញុំនឿយហត់យ៉ាងខ្លាំង ឡើងជណ្តើរក៏លែងកើត ហត់ឡើងៗ នៅទីបំផុតខ្ញុំគេងលែងបាន។ បន្ទាប់មកបេះដូងក៏គាំង ខ្ញុំបានស្លាប់បាត់រួចហើយ ពេលនោះ។ កាលណោះខួរក្បាល និងសរីរាង្គផ្សេងៗ អាចនៅរស់បានដោយសារម៉ាស៊ីនសប្បនិមិត្តជួយ ច្របាច់ ដើម្បីបូម បង្ហូរឈាមទៅចិញ្ចឹមប៉ុណ្ណោះ។ សរីរាង្គកាយរបស់ខ្ញុំបានស្លាប់ ម្តងមួយៗ និងដោយសន្សឹមៗទៅហើយ។ ប៉ុន្តែជាភ័ព្វសំណាងល្អ សប្បុរជនម្នាក់ដែលមានបេះដូង ត្រូវជាមួយនឹងបេះដូងរបស់ខ្ញុំបានទទួលមរណភាពក្នុងពេលជាមួយខ្ញុំ ទើបគេអាចយកបេះដូងនៅរស់របស់គាត់មកឲ្យខ្ញុំបាន។

នេះជារឿងចៃដន្យដ៏ល្អបំផុត ! ពេលនេះខ្ញុំបានរស់ឡើងវិញហើយ តែខ្ញុំគិតជានិច្ចថា បេះដូងនេះមិនមែនជារបស់ខ្ញុំ ព្រោះដើម្បីផ្តល់ការគោរព និងដើម្បីជាការថ្លែងអំណរគុណដល់បុរសម្នាក់ដែលបានចាកលោកទៅហើយ ដោយបន្សល់ទុកនូវបេះដូងសំរាប់ជីវិតរស់របស់ខ្ញុំ។ អ្នកដឹងទេ ពេលខ្ញុំដឹងខ្លួនឡើងវិញ ខ្ញុំមានបេះដូងដើរ ធម្មតា ដូចមនុស្សលោកផ្សេងទៀត ខ្ញុំមិនគ្មានទទួលអារម្មណ៍អ្វីប្លែកសោះថាបេះដូងនោះជារបស់គេ ! វាជារបស់ខ្ញុំពិតៗ ! ខ្ញុំគ្មានពាក្យអ្វីសម្រាប់មកថ្លែងឡើយ ! ខ្ញុំដឹងតែម្យ៉ាងថា ខ្ញុំរស់ឡើងវិញហើយ ! ប៉ុន្តែខ្លួនប្រាណខ្ញុំត្រូវការពេលវេលាដើម្បីសម្របនឹងបេះដូងថ្មី ហើយបេះដូងថ្មីត្រូវការពេលវេលាដើម្បីមកសម្របនឹងខ្លួនប្រាណ ខ្ញុំវិញដែរ។ ខ្ញុំមានជីវិតរស់ឡើងវិញ តែត្រូវហាត់រៀនរស់ជាមួយនឹងបេះដូងថ្មី នៃរាងកាយចាស់។

ការព្យាបាលក្រោយពេលវះកាត់ប្តូរបេះដូងត្រូវការរយៈពេលយូរ និងធ្ងន់ធ្ងរទៀតផង តែពេលនេះខ្ញុំបានស្រួលខ្លួន រស់នៅធម្មតា ទៅរៀន ដើរហើរដូចយុវវ័យទូទៅ ហើយទំនងជាមានសុខភាពល្អជាងគេធម្មតាផង ព្រោះខ្ញុំប្រយ័ត្នប្រយែង និងគិតគូរខ្លាំងចំពោះសុខភាព ជាងមនុស្សធម្មតា។”

ផលរំខាន

ដូចនាងខ្ញុំ និង សំដីសាក្សីអំបាញ់មិញដូច្នោះ ថាការវះកាត់ប្តូរសរីរាង្គអាចប្រព្រឹត្តទៅប្រកបដោយជោគជ័យ ប៉ុន្តែមិនគ្រប់គ្រាន់ទេ ព្រោះគេត្រូវការពេលវេលាជាច្រើនទៀតក្នុងការតាមដានមើលពីភាពធន់ និងស៊ីចង្វាក់គ្នារវាងសរីរាង្គចាស់និងសរីរាង្គថ្មី។ ការវះកាត់ប្តូរសរីរាង្គ អាចនិយាយបានថាលែងជាកង្វល់ខ្លាំងសំរាប់ក្រុមគ្រូពេទ្យហើយ ប៉ុន្តែការធានារ៉ាប់រង ក្រោយពេលវះកាត់ ដែលជារយៈពេលផ្សាំសរីរាង្គ ជាលិកា ឬកោសិកាថ្មី ក្នុងរាងកាយអ្នកជំងឺគឺជាកិច្ចការពិបាកបំផុត (ប្រៀបដូចជាការបន្សាំមែករុក្ខជាតិដូច្នេះ បើការបន្សាំបានជោគជ័យ នោះរុក្ខជាតិនឹងដុះលូតលាស់ តែបើបន្សាំមិនត្រូវនោះមែកឈើនឹងត្រូវស្លាប់)។ គេត្រូវការការស្រាវជ្រាវជាបន្ត និងវែងឆ្ងាយទៀត។ មនុស្សម្នាក់ៗខុសគ្នាទាំងអស់ ដូច្នេះវាជាការលំបាកខ្លាំងណាស់ក្នុងការស្វែងរកការព្យាបាលមួយ ជាលក្ខណៈទូទៅ សំរាប់គ្រប់ករណីនៃការវះកាត់ប្តូរ -បន្សាំសរីរាង្គ។ គេត្រូវតែសិក្សា មួយម្តងៗ ឬត្រូវធ្វើការព្យាបាលតាមដាន ទៅតាមកាយវិទ្យា និងលក្ខណៈពិសេសរបស់មនុស្សម្នាក់ៗ ដែលចំពោះមុខតែម្តង ទៅតាមករណីជាក់ស្តែង។

នេះជាចំណុច វេជ្ជសាស្ត្រសម្រាប់ថ្ងៃអនាគត។ នៅពេលដែលវះកាត់ប្តូរដាក់បេះដូង ឬ សួតថ្មីទៅលើបុគ្គលណាម្នាក់ គេត្រូវគិតគូរ រកឲ្យឃើញសមភាព រវាងតម្រូវការផ្នែកព្យាបាល និងរោគសញ្ញាជំងឺ។ សមភាពនេះ មានឈ្មោះថា វេជ្ជសាស្ត្របុគ្គល “Médecine personnalisé »។ ចំពោះអ្នកដែលបានទទួលការវះកាត់ប្តូរបេះដូង គេត្រូវប្រើថ្នាំជួយប្រព័ន្ធការពារខ្លួនដើម្បី ការពារទប់ស្កាត់ការបដិសេធ ឬ ការមិនអាចធន់ទ្រាំនឹងសរីរាង្គថ្មីបាន (ជាភាសាបារាំង) ពពួក« Immunosuppresseur » ជាប់ជាប្រចាំអស់មួយជីវិត។ ប៉ុន្តែសំរាប់ការប្តូរថ្លើមវិញ អ្នកជំងឺខ្លះអាចទទួលយកសរីរាង្គថ្មីនេះបានដោយស្រួល ហើយគេប្រមាណថា នៅថ្ងៃអនាគត ប្រហែលជា១០ឆ្នាំទៀត អ្នកជំងឺខ្លះមិនបាច់លេបថ្នាំទៀតទេ។ ប៉ុន្តែ កិច្ចការលំបាកដែលក្រុមគ្រូពេទ្យត្រូវប្រឈមសំរាប់ថ្ងៃអនាគត គឺគេត្រូវចោទសួរថា តើអ្នកជំងឺរូបណា ដែលមិនត្រូវការថ្នាំ និងអ្នកជំងឺរូបណាត្រូវការថ្នាំជំនួយ។ នេះហើយដែលហៅថាវេជ្ជសាស្ត្របុគ្គល។ តែពេលនេះ ខ្ញុំសូមឆ្លៀតឱកាសនេះជំរាបថាអ្នកជំងឺត្រូវគោរពតាមវេជ្ជបញ្ជា ឲ្យបានត្រឹមត្រូវ និងហាមមិនឲ្យបញ្ឈប់ការព្យាបាលដោយគ្មានវេជ្ជបញ្ជា៕

ពាក្យគន្លឹះ : សុខភាព

ការរក្សាអញ្ចាញធ្មេញ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 04 កក្កដា 2012

ការរក្សាអញ្ចាញធ្មេញ

ស្តាប់ (08:20)

បញ្ចូលទៅក្នុង Playlist របស់ខ្ញុំ

ចម្លងទុក

Embed

អញ្ចាញធ្មេញល្អ មិនចេញឈាមទេ !

ដោយ អៀង សុខម៉ិញ

នៅសប្តាហ៍នេះ អៀង សុខម៉ិញ សូមជំរាបជូនពីសុខភាពអញ្ចាញធ្មេញ ដ្បិតជាទូទៅ បណ្តាជនភាគច្រើន ច្រើនតែធ្វេសប្រហែស គិតថាជារឿងតូចតាចនៅពេលដែលដុសធ្មេញចេញឈាមបន្តិចបន្តួចនោះ។ តាមការពិត នៅពេលអញ្ចាញចេញឈាម វាគឺជាសញ្ញាប្រកាសអាសន្នមួយហើយ។ ហើយសូមរំលឹកថា នៅពេលមាត់ធ្មេញ អញ្ចាញ មានសុខភាពមិនល្អនោះ សុខភាពរាងកាយក៏ត្រូវប្រឈមនឹងគ្រោះថ្នាក់ដែរ មានជាអាទិ៍ ការធុំក្លិន មាត់ រលាក បំពង់ក ក្រពះ ឬ រហូតដល់មានបញ្ហាបេះដូងក៏មាន។
សូមស្តាប់ បទសម្ភាសន៍របស់ អៀង សុខម៉ិញ ជាមួយលោក វេជ្ជបណ្ឌិត គិត សេដ្ឋ ប្រធានអាគារផ្នែកទន្តសាស្ត្រ នៅមន្ទីរពេទ្យព្រះ កុសមៈក្រុងភ្នំពេញ។

ពាក្យគន្លឹះ : សុខភាព

គ្រោះថ្នាក់នៃការប្រើគ្រឿងញៀន

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 27 មិថុនា 2012

គ្រោះថ្នាក់នៃការប្រើគ្រឿងញៀន

ស្តាប់ (09:11)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ប្រភេទផ្សេងៗនៃគ្រឿងញៀនដែលធ្វើចរាចរណ៍ក្នុងទីផ្សារពិភពលោក

©RFI

ដោយ អៀង សុខម៉ិញ

ដូចជាបណ្តាប្រទេសផ្សេងទៀតក្នុងលោកដែរ ការប្រើប្រាស់គ្រឿងញៀននៅកម្ពុជាកំពុងតែកើនឡើងជាបន្តបន្ទាប់។ បើតាមលោកវេជ្ជបណ្ឌិត មាស វរិទ្ធ នេះគឺជាបាតុភូតនៃការចាប់ផ្តើម និងផ្លាស់ប្តូរសង្គម។ គ្រឿងញៀនមិនត្រឹមតែជាកង្វល់របស់សង្គមទាំងមូលទេ តែចំពោះបុគ្គលអ្នកប្រព្រឹត្តគ្រឿងញៀនក៏នឹងអាចជួបផលវិបាកយ៉ាង ធ្ងន់ធ្ងរដែរ។ ហេតុដូច្នេះហើយទើបគេណែនាំជនគ្រប់រូប ជាពិសេសយុវវ័យសូមកុំចង់សាកល្បងភ្លក់វាឲ្យសោះ។ តើគ្រឿងញៀនអ្វីខ្លះ ដែលធ្វើចរាចរណ៍នៅលើទីផ្សារ និងវាផ្តល់គ្រោះថ្នាក់យ៉ាងណាខ្លះ ដល់សុខភាព ?

បទសម្ភាសន៍ជាមួយនឹងលោកវេជ្ជបណ្ឌិត មាស វរិទ្ធ នាយកមន្ទីរពិសោធន៍គ្រឿងញៀននៃអគ្គលេខាធិការដ្ឋានជាតិប្រយុទ្ធ ប្រឆាំងនឹងគ្រឿងញៀន។

ពាក្យគន្លឹះ : សុខភាព

សុវត្ថិភាពចំណីអាហារ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 20 មិថុនា 2012

សុវត្ថិភាពចំណីអាហារ

ស្តាប់ (09:18)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ផ្លែត្របែកខ្មែរ

©rfi

ដោយ អៀង សុខម៉ិញ

គ្មានទេ ចំណីអាហារ ដែលមានសុវត្ថិភាព ១០០% ! កង្វះអនាម័យ និងគ្មានការត្រួតពិនិត្យឲ្យបានត្រឹមត្រូវ បាក់តេរី វីរ៉ុស ផ្សិត បូកផ្សំនឹងថ្នាំគីមី ។ល។ និង ។ល។ អាចបំពុលសុខភាពរបស់បានយ៉ាងងាយ តាមរយៈចំណីអាហារ។ តើអ្វីទៅជាសុវត្ថិភាពចំណីអាហារ ? តើគេអាចសម្គាល់បានទេថាចំណីអាហារណាមួយមានលាយសារធាតុគីមី អាចទទួលទានបាន ? និង មិនគួរបរិភោគ ?
បទអន្តរាគមន៍របស់លោក ពេជ ច័ន្ទ វិស្វករបណ្ឌិតផ្នែកចំណីអាហារ នៃមហាវិទ្យាល័យក្រុងប៊ែរឡាំង ប្រទេសអាល្លឺម៉ង់។

ពាក្យគន្លឹះ : ចំណីអាហារ - សុខភាព

របៀបថែរក្សាឆ្អឹងខ្នង

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 13 មិថុនា 2012

របៀបថែរក្សាឆ្អឹងខ្នង

ស្តាប់ (08:48)

បញ្ចូលទៅក្នុង Playlist របស់ខ្ញុំ

ចម្លងទុក

Embed

អង្គុយធ្វើការជាប់នៅកន្លែងយូរ អាចគាបសាច់ដុំឆ្អឹងខ្នង

រូបថត : RFI

ដោយ អៀង សុខម៉ិញ

កាលពីសប្តាហ៍មុនលោកវេជ្ជបណ្ឌិត វូ សុភៈរស្មីបានជំរាបប្រិយមិត្តរួចមកហើយពីមូលហេតុដែល បង្កឲ្យឈឺខ្នង ឈឺចង្កេះ។ នោះគឺការចាស់ទ្រុឌទ្រោមនៃឆ្អឹងខ្នង លោកវេជ្ជបណ្ឌិតក៏បានបញ្ជាក់ផងដែរការឈឺខ្នងប្រភេទនេះ ពុំមានការព្យាបាល ឬវះកាត់ណាអាចបញ្ឈប់ការឈឺចុកចាប់ឲ្យបានជាសះស្បើយឈប់ឈឺរហូត បានទេ គឺមានតែការជួយថែរក្សាដើម្បីភាពយូរអង្វែងនិងកុំឲ្យឆាប់ឈឺតែ ប៉ុណ្ណោះ។ ក្នុងន័យនេះ តើយើងត្រូវធ្វើដូចម្តេចខ្លះទើបអាចថែរក្សា និងការពារឆ្អឹងខ្នងឲ្យរឹងមាំបាន?

ពាក្យគន្លឹះ : សុខភាព

មូលហេតុនៃការឈឺខ្នង ឈឺចង្កេះ

បោះពុម្ព
0
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 06 មិថុនា 2012

មូលហេតុនៃការឈឺខ្នង ឈឺចង្កេះ

ស្តាប់ (06:59)

បញ្ចូលទៅក្នុង Playlist របស់ខ្ញុំ

ចម្លងទុក

Embed

អង្គុយធ្វើការជាប់នៅកន្លែងយូរ អាចគាបសាច់ដុំឆ្អឹងខ្នង

រូបថត : RFI

ដោយ អៀង សុខម៉ិញ

ឆ្អឹងខ្នងមានតួនាទីយ៉ាងសំខាន់ក្នុងការទ្រទ្រង់រាងកាយ អាចឲ្យមនុស្សដើរ ដេកឈរ អង្គុយបាន ប៉ុន្តែប្រសិនបើយើងមានការធ្វេសប្រហែស មិនរក្សាឆ្អឹងខ្នងឲ្យត្រង់ទេ ឆ្អឹងកងខ្នងនឹងឆាប់ទ្រុឌទ្រោម ធ្វើឲ្យយើងឆាប់មានអាការៈឈឺខ្នងឈឺចង្កេះ មុនអាយុ។ អ្វីជាមូលហេតុសំខាន់ដែលនាំឲ្យមានអាការៈឈឺខ្នង ឈឺចង្កេះនេះ ?!

អន្តរាគមន៍ដោយវេជ្ជបណ្ឌិត វូ សុភៈរស្មី គ្រូពេទ្យឯកទេសវះកាត់ប្រព័ន្ធប្រសាទ Neuro-Chirurgien នៅមន្ទីរពេទ្យកាល់ម៉ែត្រ ក្រុងភ្នំពេញ។

ពាក្យគន្លឹះ : សុខភាព

ទិវាពិភពលោកគ្មានថ្នាំជក់ បរិហារឧស្សាហកម្មថ្នាំជក់

បោះពុម្ព
0
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 30 ឧសភា 2012

ទិវាពិភពលោកគ្មានថ្នាំជក់ បរិហារឧស្សាហកម្មថ្នាំជក់

ស្តាប់ (07:14)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដោយ អៀង សុខម៉ិញ

អង្គការសុខភាពពិភពលោកបានជ្រើសរើសប្រធានបទ “ទប់ស្កាត់ការជ្រៀតជ្រែករបស់ឧស្សាហកម្មថ្នាំជក់” មកធ្វើជាប្រធានបទសំរាប់ទិវាពិភពលោកគ្មានថ្នាំជក់ ដែលនឹងប្រព្រឹត្តទៅថ្ងៃទី ៣១ ឧសភា ២០១២។

ថ្នាំជក់ ឬបារី គឺបុព្វហេតុដ៏ចម្បងមួយនៃមរណភាព នៅលើពិភពលោក ពោលគឺក្នុងចំណោមមនុស្សពេញវ័យ១០នាក់ មានម្នាក់ស្លាប់ព្រោះឥទ្ធិពលបារី។ ក្នុងមួយឆ្នាំៗ ជំងឺបង្កមកពី បារីនិងផ្សែងបារីសម្លាប់មនុស្សជិត៦លាននាក់ នៅលើពិភពលោក ក្នុងនោះជាងកន្លះលាននាក់ជាមនុស្សស្រូបផ្សែងបារីពីគេ។ ម្យ៉ាងវិញទៀតចំនួនជនរងគ្រោះនឹងអាចកើនឡើងដល់៨លាននាក់ ពីពេលនេះដល់ឆ្នាំ២០៣០ ក្នុងនោះជនរងគ្រោះជាង៨០%ជាប្រជាជនរស់នៅក្នុងស្រុកក្រីក្រ កំពុងអភិវឌ្ឍន៍ មានប្រាក់ចំណូលតិច និងមធ្យម។

ក្នុងពេលដែលមានប្រទេសកាន់តែច្រើនឡើងៗ ភ្ជាប់ខ្លួនទៅនឹងសន្ធិសញ្ញារបស់អង្គការសុខភាពពិភពលោក ដើម្បីប្រយុទ្ធប្រឆាំងនឹងថ្នាំជក់នោះ ឧស្សាហកម្មថ្នាំជក់ ក៏បានបង្កើនកម្លាំង និងយុទ្ធនាការរំខានកាន់តែខ្លាំងដែរ (ឧស្សាហកម្មថ្នាំជក់បានប្រើ គ្រប់មធ្យោបាយ ៖ បញ្ចុះតម្លៃ ជួយឧបត្តម្ភកម្មវិធីផ្សេងៗដើម្បីប្រយោជន៍ថ្នាំជក់ ប្រឆាំងនឹងគំនិត ផ្តួចផ្តើមរបស់ប្រទេសខ្លះដែលចង់ចេញច្បាប់ហាមឃាត់មិនឱ្យជក់ បារីតាមទីសាធារណៈ ហាមឃាត់មិនឱ្យមានការផ្សព្វផ្សាយពាណិជ្ជកម្ម ។ល។ និង។ល។)

ហេតុដូច្នេះហើយបានជានៅឆ្នាំ២០១២ នេះ ទិវាពិភពលោកគ្មានថ្នាំជក់ ចង់ផ្តល់ព័ត៌មានដល់អ្នកជក់បារីគ្រប់រូប និងដល់មហាជនទូទៅ អំពីការជ្រៀតជ្រែក ភូតភរកុហករបស់ ឧស្សាហកម្មថ្នាំជក់។ ពេលមួយឆ្នាំនេះតែម្តង អង្គការសុខភាពពិភពលោក បានសំណូមពរឱ្យប្រទេសជាសមាជិកទាំងអស់ ដៅការខិតខំប្រឹងប្រែងប្រយុទ្ធប្រឆាំងនឹងជំងឺរាតត្បាតចង្រៃនៃបារី នេះ ដោយវាយប្រហារទៅលើការជ្រៀតជ្រែករបស់ឧស្សាហកម្មថ្នាំជក់។

ពាក្យគន្លឹះ : កម្ពុជា - សុខភាព

គ្រោះថ្នាក់នៃការប្រើប្រាស់ថ្នាំក្លែងក្លាយ

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 16 ឧសភា 2012

គ្រោះថ្នាក់នៃការប្រើប្រាស់ថ្នាំក្លែងក្លាយ

ស្តាប់ (07:18)

បញ្ចូលទៅក្នុង Playlist របស់ខ្ញុំ

ចម្លងទុក

Embed

រូបថត ៖ RFI

ដោយ អៀង សុខម៉ិញ

ថ្នាំក្លែងក្លាយកំពុងតែក្លាយជាបញ្ហាសង្គមមួយហើយ មិនថានៅប្រទេសក្រីក្រ ឬប្រទេសជឿនលឿនទេ។ ថ្នាំមិនសុទ្ធ មានច្រើនទម្រង់ណាស់ ដែលគេមិនអាចសម្គាល់បានងាយស្រួលទេ ថ្នាំខ្លះមានសារធាតុសកម្មតិចជាងក្បួនខ្នាត ខ្លះហួសកាលកំណត់ ។ល។ និង។ល។ តើថ្នាំក្លែងក្លាយ អាចបង្កផលប៉ះពាល់យ៉ាណាខ្លះ ? សូមស្តាប់ការបកស្រាយរបស់ លោកស្រី ឱសថការី ឃុន វ៉ារី ប្រធានសមាគមមិត្តនិស្សិត និងឱសថការីខ្មែរនៅប្រទេសបារាំង។

ពាក្យគន្លឹះ : សុខភាព

យល់ដឹងអំពី ស្បែកកើត "មុន"

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 09 ឧសភា 2012

យល់ដឹងអំពី ស្បែកកើត "មុន"

ស្តាប់ (11:04)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដោយ អៀង សុខម៉ិញ

បញ្ហាស្បែកដែលក្មេងជំទង់ ជាទូទៅ ជួបប្រទះយ៉ាងញឹកញាប់ គឺ មុន។ នេះ ជាការធម្មតាទេ សម្រាប់យុវវ័យ ដែលឆ្លងពីវ័យកុមារ ទៅជំទង់ បន្ទាប់មកនឹងក្លាយជាមនុស្សពេញវ័យ។ ប៉ុន្តែវាជារយៈកាលមួយដ៏ពិបាកនិងក្រឡាប់ចាក់បំផុត។ ដើម្បីវិលមករកភាពស្អាតរលោងបាន ត្រូវទាមទារឲ្យមានការថែទាំ និងការព្យាបាលត្រឹមត្រូវដែរ។

តើអ្វីជាមូលហេតុបង្កឲ្យមានកើតជំងឺមុន ដូច្នេះ ? តើគេត្រូវធ្វើដូចម្តេចទើបអាចបំបាត់មុននេះបាន ?
ដោយវេជ្ជបណ្ឌិត សឿ ច័ន្ទថន

ពាក្យគន្លឹះ : កម្ពុជា

សុវត្ថិភាពសុខភាពនិងការងារ

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 02 ឧសភា 2012

សុវត្ថិភាពសុខភាពនិងការងារ

ស្តាប់ (09:16)

បញ្ចូលទៅក្នុង Playlist របស់ខ្ញុំ

ចម្លងទុក

Embed

កម្មការិនីកាត់ដេរកម្ពុជា

©វណ្ណារ៉ា

ដោយ អៀង សុខម៉ិញ

ថ្ងៃទី២៨មេសា បានក្លាយជា « ទិវាសុវត្ថិភាពនិងសុខភាព ពិភពលោក នៅកន្លែងធ្វើការ » តាំងពីឆ្នាំ១៩៩៦មក។ ប៉ុន្តែទើបតែនៅឆ្នាំ២០០៣ប៉ុណ្ណោះ ដែលអង្គការពលកម្មអន្តរជាតិបានផ្តួចផ្តើមប្រារព្ធទិវានេះ ជាទូទៅនៅពេញពិភពលោក ដើម្បីជំរុញឲ្យមានការគិតគូរដល់សុវត្ថិភាព ក្នុងពេលបំពេញការងារ ដោយឈរលើទស្សនៈការពារប្រសើរជាងព្យាបាល។ ការពារប្រឆាំងនឹងគ្រោះថ្នាក់ក្នុងពេលធ្វើការ ការពារកុំឲ្យមានជំងឺព្រោះការងារ។

ក្នុងឱកាសទិវាសុវត្ថិភាពការងារពិភពលោក ឆ្នាំ2011នេះ អង្គការសុខភាពពិភពលោក និងការិយាល័យពលកម្មអន្តរជាតិ បានបោះផ្សាយរបាយការណ៍ជាតួលេខនៃគ្រោះថ្នាក់ក្នុងការងារ។ បើយោងតាមរបាយការណ៍នេះ មានបុគ្គលិក កម្មករ អ្នកធ្វើការចំនួន ២លាន២សែននាក់ស្លាប់ ជារៀងរាល់ឆ្នាំ ពោលគឺ៥ពាន់នាក់ក្នុងមួយថ្ងៃ នៅលើពិភពលោក ដោយហេតុតែគ្រោះថ្នាក់ ឬជំងឺក្នុងក្របខ័ណ្ឌការងារ។

អត្រាអ្នកស្លាប់ និងអ្នកឈឺព្រោះការងារ កើនឡើងជាលំដាប់ ព្រោះតែភាពជឿនលឿន និងលូតលាស់ខ្លាំងក្នុងវិស័យឧស្សាហកម្ម។ ចំណែកឯគ្រោះថ្នាក់មិនស្លាប់នៅកន្លែងធ្វើការវិញ មានប្រមាណជាជិត ២៦៨លានករណី ក្នុងមួយឆ្នាំៗ។ ហេតុដូច្នេះហើយបានជាអង្គការសុខភាពពិភពលោក និងការិយាល័យពលកម្មអន្តរជាតិ អំពាវនាវឲ្យមានការអភិវឌ្ឍន៍ និងបណ្តុះបណ្តាលវប្បធម៌ការពារសុវត្ថិភាពសុខភាព។

នៅក្នុងប្រទេសជឿនលឿន និន្នាការនៃគ្រោះថ្នាក់ដល់ជីវិតក្នុងការងារបានថយចុះ ប៉ុន្តែនៅក្នុងប្រទេសកំពុងអភិវឌ្ឍន៍វិញ នៅទ្វីបអាស៊ី និងអាមេរិកឡាទីនវិញ អត្រាគ្រោះថ្នាក់កើនឡើងគួរឲ្យព្រួយបារម្ភ។

គ្រោះថ្នាក់ដល់ជីវិតបានថយចុះ ក្នុងប្រទេសឧស្សាហកម្មរីកចម្រើនខ្លាំង ក៏ពិតមែន ប៉ុន្តែរោគាដែលបង្កឡើងដោយការងារ កើនឡើងនៅគ្រប់ទិសទីទាំងអស់។ ជំងឺដែលគេជួបប្រទះញឹកញាប់ជាងគេ មានដូចជា ជំងឺផ្លូវចិត្ត ជំងឺមហារីក (បង្កឡើងដោយការប្រឈមមុខសារធាតុគីមីពុល) រលាកសាច់ដុំឬឆ្អឹង ជំងឺផ្លូវដង្ហើម រលាកសួត ខូចត្រចៀក (ថ្លង់) ស្ទះសរសៃឈាម (ជំងឺសរសៃឈាម) ជំងឺឆ្លង ។ល។ និង។ល។ និងនៅមានច្រើនទៀត។

បើតាមរបាយការណ៍នេះដដែល វិស័យកសិកម្ម ដែលស្រូបយកកម្លាំងពលកម្មបានពាក់កណ្តាល និងដែលជាដង្ហើមសេដ្ឋកិច្ចដ៏សំខាន់របស់ប្រទេសក្រីក្រកំពុង អភិវឌ្ឍន៍ភាគច្រើននោះ បានសម្លាប់ជីវិតមនុស្ស ប្រមាណ៧ម៉ឺននាក់ក្នុងមួយឆ្នាំ ដោយមូលហេតុ ពុលថ្នាំសម្លាប់សត្វល្អិត។ នេះគេមិនបានរាប់បញ្ចូលចំនួនអ្នកស្លាប់ដោយមូលហេតុផ្សេងទៀត និងមិនបានគិតពីចំនួនអ្នករងគ្រោះកើតជំងឺរ៉ាំរ៉ៃដ៏សន្ធឹកសន្ធាប់ ទៀតផងទេ។

ប្រសិនបើយើងស្តាប់របាយការណ៍របស់អង្គការសុខភាពពិភពលោកនេះហើយ យើងពិតជាចោទសួរ ថា ចុះតើស្ថានភាពសុខភាព និងសុវត្ថិភាពការងារនៅក្នុងប្រទេសកម្ពុជាវិញយ៉ាងណាដែរ ? ដោយសារប្រធានបទនេះ មានលក្ខណៈធំទូលំទូលាយពេក នៅថ្ងៃនេះ នាងខ្ញុំសូមផ្តោតទៅលើតែករណីកម្មករកម្មការិនីកាត់ដេរ

សូមអញ្ជើញស្តាប់បទសម្ភាសន៍របស់នាងខ្ញុំជាមួយលោក វេជ្ជបណ្ឌិត អ៊ាត មរកត អ្នកទទួលខុសត្រូវការផ្តល់សេវាសុខាភិបាលអង្គការGret ដែលជាការចាក់ផ្សាយឡើងវិញ។

ពាក្យគន្លឹះ : កម្ពុជា - សុខភាព

គុណប្រយោជន៍នៃផ្លែចេក ចំពោះសុខភាព

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 18 មេសា 2012

គុណប្រយោជន៍នៃផ្លែចេក ចំពោះសុខភាព

ស្តាប់ (09:38)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ដោយ អៀង សុខម៉ិញ

នៅក្នុងនាទីសុខភាពនិងអនាម័យសប្តាហ៍នេះ អៀង សុខម៉ិញ សូមជម្រាបជូនអស់លោកអ្នកនាង អំពីគុណប្រយោជន៍របស់ផ្លែចេក ចំពោះសុខភាព។
សូមចំណាយពេលអាន និងស្តាប់អត្ថបទនេះសាកមើល ! វាពិតមានប្រយោជន៍ និងជំរុញចិត្តឱ្យចូលចិត្តពិសាផ្លែចេកជាមិនខាន !

នាងខ្ញុំសង្ឃឹមថា លោកអ្នកចូលចិត្តពិសាផ្លែចេក ! ជាពិសេសគឺក្រោយពេលបានស្តាប់បទអត្ថាធិប្បាយនេះរួច !

ចេកណាំវ៉ា ពងមាន់ អំបូង ចេកស្នាប់មុខ ផ្លែចេកមានច្រើនប្រភេទ ច្រើនសណ្ឋាន។ យើងអាចបរិភោគជាផ្លែឈើ ជាបង្អែម ជាចម្អាប ជាបន្លែ ជាអន្លក់ ទាំងឆៅ ឬដោយការចម្អិន តាមការចូលចិត្ត។ ជាសរុប ចេកជាផ្លែឈើដ៏មានប្រជាប្រិយភាពរបស់បណ្តាជនខ្មែរទូទៅ របស់កុមារ និងមនុស្សពេញវ័យ។ ចេកជាផ្លៃឈើ គ្មានរដូវរបស់ខ្មែរ សម្បូរបែបពេក រហូតដល់អ្នកខ្លះគិតថាជាផ្លែឈើរបស់រាស្ត្រសាមញ្ញ លែងចង់ទទួលទាន។ តែប្រសិនបើផ្អែកតាមការសិក្សាវេជ្ជសាស្ត្រ និងវិទ្យាសាស្ត្រ ផ្លែចេកមានគុណប្រយោជន៍ច្រើនណាស់ដល់សុខភាព។

មានជំងឺធ្លាក់ទឹកចិត្ត ខ្វះឈាម ទល់លាមក រលាកក្រពះ រលាកពោះវៀន ក្អួតចង្អោរ ជំងឺបេះដូង ធាត់ ។ល។ និង។ល។ ផ្លែចេក ពិតជាអាចជួយអ្នកបានបញ្ចៀសពីជំងឺនេះបាន។ តើចេកមានផ្ទុកសារធាតុអ្វីខ្លះទៅ ?! និងមានលក្ខណៈពិសេសយ៉ាងណាខ្លះ ទើបអាចជួយសម្រួលសុខភាពមនុស្សបានច្រើនយ៉ាងបែបនេះ ?! ហេតុអ្វីបានជាចេក អាចជួយព្យាបាល និងការពារជំងឺមួយចំនួន មានទាំងជំងឺព្យាបាលមិនជាទៀតផង។ នាងខ្ញុំនឹងលម្អិតជូនលោកអ្នកនាងមួយម្តងៗ។
ផ្លែចេកទុំ មានផ្ទុកសារជាតិស្ករធម្មជាតិ បីប្រភេទ ៖ Sucrose, fructose និង glucose រួមផ្សំនឹងសារធាតុសរសៃ។ ហេតុដូច្នេះហើយបានជាចេកផ្តល់ថាមពលបានភ្លាមៗ ក្រោយពេលបានបរិភោគ។ បើតាមការសិក្សាមួយបង្ហាញថា បរិភោគចេកពីរផ្លែ ប៉ុណ្ណោះ នោះអ្នកនឹងមានថាមពលអាចធ្វើកីឡាបាន៩០នាទី។ ដូច្នេះគ្មានអ្វីដែលចម្លែកទេ ដែលផ្លែចេក ជាអាហារផ្លែឈើទីមួយ និងចម្បងបំផុត សម្រាប់ពិភពអ្នកកីឡាអត្តពលករ។

ដោយភាពសម្បូរបែបផ្នែកថាមពល ផ្លែចេកពិតជាមិនអាចជួយលោកអ្នកនាង ក្នុងការថែរក្សារាង ឬទម្ងន់បានឡើយ ?! ក៏ប៉ុន្តែ ចុះហេតុអ្វីបានជាអ្នកដើរបង្ហាញម៉ូតនៅប្រទេសលោកខាងលិច មានផ្លែចេកជាប់នឹងខ្លួន នៅកន្លែងធ្វើការទៅវិញ ?!
ចេកគ្មានផ្ទុកសារធាតុGlutenទេ ហើយមានជីវជាតិតិចតួចណាស់ ប៉ុន្តែដូចបានជម្រាបអំបាញ់មិញថា ចេកមានផ្ទុកថាមពលច្រើន ជាផ្លែឈើប៉ូវកម្លាំង តែក៏ជាផ្លែឈើធ្វើឱ្យឆាប់ឆ្អែត ! ហេតុដូច្នេះហើយបានជាគេណែនាំតារាៗ និងអ្នកចង់រក្សារាងឱ្យពិសាចេក ជំនួសការបរិភោគអាហារនោះ។

ការស្ទង់មតិថ្មីៗ បានបង្ហាញបន្ថែមទៀតថា អ្នកមានជំងឺធ្លាក់ទឹកចិត្ត នឹងមានអារម្មណ៍ធូរស្រាល គ្រាន់បើឡើង ប្រសិនបើពួកគេបានបរិភោគផ្លែចេក ជាប្រចាំ។ ហេតុអ្វីផ្លែចេក ជួយសម្រួលសតិបែបនេះ ព្រោះចេកមានផ្ទុក ជាតិ Tryptophane ពោលគឺប្រភេទប្រូតេអ៊ីនម្យ៉ាង ដែលអាចធ្វើបំផ្លែងទៅជាសេរ៉ូតូនីន នៅពេលជ្រាបចូលខ្លួនប្រាណ។ ប្រូតេអ៊ីនប្រភេទនេះ ជួយបន្ធូរអារម្មណ៍មនុស្ស និងផ្តល់ភាពរីករាយ។ ដូច្នេះសូមកុំពិសាថ្នាំ ពិសាផ្លែចេកវិញទៅ ! វីតាមីន B6 ដែលមាននៅក្នុងចេក នឹងទៅជួយតម្រែតម្រង់កម្រិតជាតិស្ករ Glucoseក្នុងឈាម ឱ្យស្មើល្អ។ ប្រការនេះមានប្រយោជន៍ខ្លាំងណាស់ទៅសុខភាពអារម្មណ៍យើង។ ដោយសារភាពសម្បូរបែបផ្នែកវីតាមីន B6- B12 និងម៉ាញេស្យូម ចេកមានប្រយោជន៍ខ្លាំងណាស់សំរាប់អ្នកដែលប្រាថា្នចង់ឈប់ជក់ បារី។ ពិសាចេកទៅនឹងធ្វើឱ្យអ្នកឆាប់បាត់អារម្មណ៍ស្រេកឃ្លានជាតិ នីកូទីន របស់បារី។

ចេកសម្បូរសារធាតុគ្លុយស៊ីត ជាការមិនអាចប្រកែកបាន ប៉ុន្តែក៏មានផ្ទុកសារធាតុរ៉ែជាច្រើនផ្សេងទៀតដែរ មានជាអាទិ៍សារធាតុរ៉ែ ប៉ូតាស្យូម។ ចេកសម្បូរជាតិប៉ូតាស្យូម តែមានកំរិតអំបិលតិចបំផុត ដែលនេះជាសម្ព័ន្ធមិត្តដ៏ចំណានបំផុតក្នុងការប្រយុទ្ធប្រឆាំងនឹង ជំងឺលើសឈាម។ ផ្លែចេកមួយផ្លែអាចមានផ្ទុកសារធាតុប៉ូតាស្យូមដល់ទៅ៣៦០ មីល្លីក្រាម។ ការសិក្សាបានបង្ហាញថា បើមនុស្សម្នាក់ស្រូបចំណីអាហារមានសារធាតុប៉ូតាស្យូមច្រើន នឹងមិនសូវមានគ្រោះកើតជំងឺលើសឈាមទេ។ សូម្បីតែអ្នកដែលមានជំងឺលើសឈាមប្រចាំកាយស្រាប់ទៅហើយ ក៏ការបរិភោគផ្លែចេកជារៀងរាល់ថ្ងៃ អាចជួយអ្នកជំងឺឱ្យមានស្ថានភាពបានធូរស្រាលខ្លះ និងមិនអាស្រ័យលើថ្នាំពេទ្យទាំងស្រុងពេក។ ប៉ូតាស្យូមនេះ ជាជំនួយមួយក្នុងការបញ្ជូនអុកស៊ីសែនទៅខួរក្បាល និងសម្រួលលំនឹងទឹកក្នុងខ្លួន តែកំរិតប៉ូតាស្យូមក្នុងខ្លួនមនុស្សនឹងត្រូវបានកាត់បន្ថយ ប្រសិនបើយើងមានStress ពេក ដូច្នេះគឺផ្លែចេកនេះឯងដែលយើងគួរទទួលទាន បន្ថែមចន្លោះពេលបាយ។ ក្រុមគ្រូពេទ្យអាមេរិក ឯកទេសផ្នែកចំណីអាហារ និងថ្នាំ ទើបបានយល់ព្រមឱ្យក្រុមហ៊ុនឧស្សាហកម្មចេកមានសិទ្ធិប្រកាសពីគុណ ប្រយោជន៍ ក្នុងការកាត់បន្ថយគ្រោះតានតឹង និងស្ទះបេះដូងទៀតផង។ មិនខុសពីគ្នានេះដែរការសិក្សារបស់ក្រុមវេជ្ជសាស្ត្រអង់គ្លេស បង្ហាញថាទទួលទានចេកជាប្រចាំរាល់ថ្ងៃអាចកាត់បន្ថយគ្រោះស្លាប់ ព្រោះជំងឺបេះដូង បាន៤០%។ ចំពោះកុមារ និងយុវវ័យក្នុងវ័យសិក្សា បរិភោគផ្លែឈើសម្បូរសារធាតុប៉ូតាស្យូម ច្រើនដូចយ៉ាងផ្លែចេក អាចជួយបង្កើនសមត្ថភាពក្នុងការផ្ទង់អារម្មណ៍សិក្សា។

ក្រៅពីរ៉ែប៉ូតាស្យូម ចេកមានផ្ទុកសារធាតុរ៉ែផ្សេងទៀត តួយ៉ាង កាល់ស្យូម ហ្វូស្វ័រ ម៉ាញ៉េស្យូម និង ស័ង្កសី។ ជាមួយនឹងកំរិតសារធាតុរ៉ែដែកខ្ពស់ គ្រូពេទ្យតែងណែនាំអ្នកជំងឺខ្វះឈាមឱ្យបរិភោគផ្លែចេក ដើម្បីជួយជំរុញការផលិតគ្រាប់ឈាមក្រហម។

ចាស់ទុំខ្មែរ តែងមានប្រសាសន៍ថា ចេកណាំវ៉ា ជួយព្យាបាលជំងឺក្រពះ និងការបត់ជើង។ ពាក្យណែនាំ និងជំនឿនេះ មិនខុសទេ ហើយថែមទាំងមានការទទួលស្គាល់ដោយវេជ្ជសាស្ត្រសម័យទៀត។ តើវេជ្ជសាស្ត្រពន្យល់យ៉ាងដូចម្តេច ? សារធាតុសរសៃ ដែលផ្លែចេកមានផ្ទុកយ៉ាងច្រើននោះ ជាអ្នកសម្រួលការទល់លាមក និងជាប្រយុទ្ធប្រឆាំងទល់នឹងបញ្ហាពោះវៀនមួយចំនួន។ បើពោះវៀនមានសុខភាពមិនល្អហើយ គឺមានតែចេកទុំ ដែលជាផ្លែឈើអាចបរិភោគបានដោយមិនបាច់ចម្អិន។ ថ្វីដ្បិតតែពេលនៅខ្ចី ចេកសម្បូរដោយសារធាតុអាស៊ីតបន្តិចមែន ប៉ុន្តែអាស៊ីតនេះ នឹងរលាយបាត់បន្តិចម្តងៗ ទៅតាមភាពទុំជោរនៃចេក ក្លាយជាផ្លែឈើដែលមានសារធាតុប្រឆាំងនឹងអាស៊ីតដោយធម្មជាតិ។ ដូច្នេះបើមានអាការៈឈឺក្រពះ ចេកទុំពិតជាអាចជួយកាត់បន្ថយការឈឺចាប់បាន។

ក្នុងទម្លាប់ប្រពៃណីខ្មែរ និងបណ្តាជនរស់នៅតំបន់ត្រូពិក ទាំងដើម ទាំងស្លឹក ត្រយូង និងផ្លែ សុទ្ធតែត្រូវបានយកកែច្នៃ ប្រើប្រាស់ និងធ្វើជាម្ហូប ជាបង្ហែម ឬជាផ្លែឈើ ... ចំណែកសម្បកចេក ដែលអាចធ្វើមនុស្សរអិលដួលដោយងាយមែន តែវាអាចជួយបន្សាបការឈឺចាប់ រោល ឬហើម ពេលមានសត្វល្អិតទិចឬខាំ ដោយគាន់តែយកសម្បកចេកមកញីពីលើ។

ជាចុងក្រោយ ការជ្រើសរើសចេកប្រភេទផ្សេងៗគ្នា យកមកបរិភោគ ឆៅ ស្ងោរ ឬធ្វើបង្អែម (ឧ. ចេកពងមាន់ ឬ អំបូង ចេកណាំវ៉ា ញ៉ាំឆៅ - ចេកស្នាប់មុខយកទៅស្ងោរ ។ល។ និង។ល។) មិនមែនជាការចៃដន្យទេ។ អ្នកវិទ្យាសាស្ត្របានរកឃើញថា មានប្រភេទចេកខ្លះ មិនសូវមានសារធាតុស្ករច្រើនទេ តែមានផ្ទុកច្រើនសារធាតុអាមីដុង។ ពពួកចេកប្រភេទនេះ គេហៅថា ផ្លង់តាំង និងត្រូវតែធ្វើឱ្យឆ្អិនសិនទើបបរិភោគឆ្ងាញ់។ ប្រទេសនៅតំបន់ត្រូពិច និងអាហ្វ្រិកខ្លះទទួលទានចេកប្រភេទនេះ ជំនួសបាយ ឬ ដំឡូង។ នៅអឺរ៉ុប ទោះមិនមែនជាទឹកដី ដាំដុះចេកក៏ពិតមែន តែចេកគឺជាផ្លែឈើដែលគេបរិភោគជាបង្ហែមលាងមាត់ក្រោយបាយ ច្រើនជាទីបំផុត៕

ពាក្យគន្លឹះ : សុខភាព

សញ្ញាគ្រោះថ្នាក់នៃជំងឺរលាកផ្លូវដង្ហើម

បោះពុម្ព
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 11 មេសា 2012

សញ្ញាគ្រោះថ្នាក់នៃជំងឺរលាកផ្លូវដង្ហើម

ស្តាប់ (08:24)

បញ្ចូលទៅក្នុង Playlist របស់ខ្ញុំ

ចម្លងទុក

Embed

ការថតឆ្លុះមើលសួត

រូបថត : Wikipedia

ដោយ អៀង សុខម៉ិញ

កុមារក្រោមអាយុពីរឆ្នាំងាយទទួលរងគ្រោះកើតជំងឺរលាកផ្លូវ ដង្ហើម ណាស់ ពីព្រោះប្រព័ន្ធការពាររាងកាយរបស់ពួកគាត់ពុំទាន់សូវរឹងមាំនៅឡើយ។ ហេតុដូច្នេះហើយបានគ្រូពេទ្យតែងណែនាំដល់ឪពុកម្តាយទាំងឡាយឲ្យរួស រាន់បញ្ចូនកូនមកមន្ទីរពេទ្យ ព្រោះបើទុកយូរ ជំងឺរលាកសួតអាចនឹងមានលក្ខណៈធ្ងន់ធ្ងរខ្លាំង បានន័យថាវាអាចបង្កឲ្យមានការរលាកផ្លូវដង្ហើមផ្នែកខាងក្រោម។ មានសញ្ញាគ្រោះថ្នាក់សំខាន់ៗមួយចំនួន។ តើសញ្ញាគ្រោះថ្នាក់ទាំងនោះមានអ្វីខ្លះ ? សូមស្តាប់ប្រសាសន៍របស់លោកវេជ្ជបណ្ឌិត អៀប តិចឆេង គ្រូពេទ្យឯកទេស កុមារ និងជំងឺផ្លូវដង្ហើម នៅមន្ទីរពេទ្យកុមារជាតិ ក្រុងភ្នំពេញ។

ពាក្យគន្លឹះ : សុខភាព

ទិវាសុខភាពពិភពលោក ២០១២ ៖ សុខភាពល្អអាយុយឺនយូរ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 04 មេសា 2012

ទិវាសុខភាពពិភពលោក ២០១២ ៖ សុខភាពល្អអាយុយឺនយូរ

ស្តាប់ (11:41)

បញ្ចូលទៅក្នុង Playlist របស់ខ្ញុំ

ចម្លងទុក

Embed

អង្គការសុខភាពពិភពលោករៀបចំប្រជុំកំណត់ប្រធានបទទិវាសុខភាពពិភពលោក ២០១២

OMS

ដោយ អៀង សុខម៉ិញ

នៅថ្ងៃទី៧ មេសា ជាទិវាសុខភាពពិភពលោក ! ឆ្នាំនេះអង្គការសុខភាពពិភពលោកបានឧទ្ទិសទិវានេះ ដល់មនុស្សចាស់ តាមរយៈប្រធានបទ “មនុស្សចាស់និងសុខភាព”។ កម្ពុជា ក្នុងនាមជាប្រទេសសមាជិកអង្គការសុខភាពពិភពលោក ក៏បានរៀបចំទិវានេះដែរ នៅទីក្រុងភ្នំពេញ ក្នុងថ្ងៃទី៧មេសាតែម្តង។ ហេតុដូច្នេះហើយបានជានៅថ្ងៃនេះ អៀង សុខម៉ិញ ជួបសម្ភាសន៍ជាមួយ លោក វេជ្ជបណ្ឌិត ឃឹម សំអាត មន្ត្រីបច្ចេកទេស ទទួលបន្ទុកកម្មវិធីជំងឺមិនឆ្លង របស់អង្គការសុខភាពពិភពលោក ប្រចាំនៅប្រទេសកម្ពុជា ដើម្បីបានជ្រាបកាន់តែច្បាស់អំពីទិវាសុខភាពពិភពលោក ឆ្នាំ២០១២នេះ។

ពាក្យគន្លឹះ : កម្ពុជា - សុខភាព

រលាកសន្លាក់ នៅតាមម្រាមដៃ-ជើង

បោះពុម្ព
0
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 28 មីនា 2012

រលាកសន្លាក់ នៅតាមម្រាមដៃ-ជើង

ស្តាប់ (06:52)

បញ្ចូលទៅក្នុង Playlist របស់ខ្ញុំ

ចម្លងទុក

Embed

សន្លាក់ម្រាមជើងរលាក

ដោយ អៀង សុខម៉ិញ

តាមរយៈកម្មវិធីសុខភាពនិងអនាម័យរបស់វិទ្យុបារាំង អន្តរជាតិ លោកអ្នកនាងបានជ្រាបហើយអំពីប្រភេទផ្សេងៗនៃជំងឺរលាកសន្លាក់។ នៅថ្ងៃនេះ វិទ្យុយើងសូមលើកយកតែប្រភេទមួយ នៃការរលាកសន្លាក់ ដែលច្រើនកើតឡើងនៅតាមក្រញរដៃ ក្រញរជើង ឬភាសាបារាំងហៅថា Goutte។សូមអញ្ជើញស្តាប់បទសម្ភាសន៍របស់អៀង សុខម៉ិញ ជាមួយនឹងវេជ្ជបណ្ឌិត លី ជាតា។

ពាក្យគន្លឹះ : សុខភាព

នឿយហត់-អស់កម្លាំង ជម្ងឺរបស់មនុស្សសម័យថ្មី ?!

បោះពុម្ព
0
ផ្ញើទំព័រនេះ
save
ចែកចាយ

នាទីសុខភាពនិងអនាម័យ

ទំព័រដើម
Podcast
សរសេរមកយើង

ពុធ 21 មីនា 2012

នឿយហត់-អស់កម្លាំង ជម្ងឺរបស់មនុស្សសម័យថ្មី ?!

ស្តាប់ (06:33)

បញ្ចូលទៅក្នុង Playlist របស់ខ្ញុំ

ចម្លងទុក

Embed

"នឿយហត់-អស់កម្លាំង" លាន់ឮសឹងគ្រប់មាត់មនុស្សជំនាន់ថ្មី

sxc.hu

ដោយ អៀង សុខម៉ិញ

នឿយហត់ អស់កម្លាំង ខ្សោះអស់ពីខ្លួន ... តើមួយឆ្នាំយើងមានអាការៈបែបនេះប៉ុន្មានដង? នឿយហត់ គឺអាការៈមួយ ដែលស្តែងឡើងដោយសារទង្វើរបស់មនុស្ស ជាអ្នកបង្កឡើង ដូចជាសម្រាកមិនគ្រប់គ្រាន់ ធ្វើការជ្រុលហួសកម្លាំង។ ការនឿយហត់បែបនេះនឹងអាចរលត់ទៅវិញបាន ប៉ុន្តែអ្វីដែលគួរឱ្យព្រួយបារម្ភ គឺការនឿយហត់ជាប់ជាប្រចាំ រហូតក្លាយជាការនឿយហត់រ៉ាំរ៉ៃ។ នឿយហត់បែបនេះជាជំងឺឬ ?

តើគេត្រូវធ្វើដូចម្តេចទើបអាចដឹងបានថាជាការនឿយហត់-ជំងឺ រ៉ាំរ៉ៃ ឬជាការនឿយហត់ដោយអន្លើៗ ? មូលហេតុអ្វីបាន « ការនឿយហត់ » ក្លាយជាពាក្យស្ទើររត់មាត់នាពេលបច្ចុប្បន្ននេះ ?! តើមានមធ្យោបាយការពារដែរឬទេ ?

វេជ្ជបណ្ឌិត Jean-Pierre Danjean, គ្រូពេទ្យជំងឺទូទៅ និងជាអ្នកនិពន្ធសៀវភៅ « Vivre mieux avec sa fatigue chronique » បានអញ្ជើញមកកាន់បន្ទប់ផ្សាយរបស់វិទ្យុបារាំងអន្តរជាតិដោយផ្ទាល់ ។ សូមអញ្ជើញស្តាប់។

ពាក្យគន្លឹះ : សុខភាព