នាទីសុខភាពនិងអនាម័យ
- ទំព័រដើម
- Podcast
- សរសេរមកយើង
ពុធ 05 ធ្នូ 2012
យល់ដឹងអំពីកំណើតកូនភ្លោះ
បងប្អូនភ្លោះអ្នកចម្រៀងជនជាតិអូស្រ្តាលី The Veronicas
© wikipedia
នៅថ្ងៃនេះ កម្មវិធីសុខភាពរបស់វិទ្យុបារាំងអន្តរជាតិ
សូមជម្រាបជូនអស់លោកអ្នកនាងឱ្យបានស្គាល់ជីវិតកូនភ្លោះ
តាមបែបវិទ្យាសាស្ត្រ។ តើហេតុដូចម្តេចបានជាមានកូនភ្លោះ ?
នៅក្នុងពោះម្តាយតែមួយក្នុងពេលជាមួយគ្នា តែមិនដូចគ្នាសោះ ? ភ្លោះ
ហើយ ដូចគ្នាបេះបិទ ស៊ីមេត្រីគ្នា ដូចឆ្លុះកញ្ចក់ ?
កូនភ្លោះមែនតែមានឪពុកខុសគ្នា តើអាចទៅរួចដែរឬទេ ?
បងប្អូនភ្លោះមានភាសានិងញាណ ពិសេស សំរាប់ទាក់ទងគ្នា មែនឬយ៉ាងណា?
“កូនភ្លោះពិត ហៅតាមបែបបច្ចេកទេសថា Monogygote។ ពោលគឺ
អំប្រ៊ីយុងកូន កកើតឡើងដោយការបូកបញ្ចូលគ្នារវាង
អូវូស៊ីតម្តាយមួយ និងស្ពែមាតូស្សូអ៊ីតឪពុកមួយ។ អំប្រ៊ីយ៉ុងកូននេះ
មានហ្សែនដូចគ្នាទាំងអស់នេះ ក្រោយមកទើបបែកជាពីរ ទៅជាជាលិកាពីរ
គឺកូនភ្លោះនេះឯង។ នេះជាការពរពោះដែលមានកូនភ្លោះធម្មតាពិតៗ។
នៅមានការពរពោះមួយបែបទៀត ដែលគេហៅថា Dizygote
ឬកូនភ្លោះមិនពិត។ ទារកនៅក្នុងពោះម្តាយតែម្នាក់មែន
ប៉ុន្តែអំប្រ៊ីយុងកើតឡើងដោយ មេជីវិតពីរផ្សេងគ្នា។ ពោលគឺ
ស្ពែម៉ាតូស្ហូអ៊ីតពីរ ទៅជួបបង្កកំណើតជាមួយនឹងអូវូស៊ីតពីរ
ក្លាយជាអំប្រ៊ីយ៉ុងកូនពីរ។ អំប្រ៊ីយុងកូននីមួយៗនោះ
លូតលាស់រៀងខ្លួនៗ ទន្ទឹមគ្នាក្នុងពោះម្តាយតែមួយ
រហូតដល់ពេលកើត។ នេះហើយដែលហៅថា កូនភ្លោះមិនពិត។”
និយាយដោយខ្លី កូនភ្លោះពិត ជាកូនដែលកកើតពីពងតែមួយ មានទំហំហ្សែនដូចគ្នាទាំងអស់ មានភេទដូចគ្នា និងមានរូបរាងដូចគ្នាបេះបិទ។ ផ្ទុយទៅវិញ កូនភ្លោះមិនពិត មានកំណើតមកពីពងពីរផ្សេងគ្នា និងហ្សែនក៏មានលក្ខណៈខុសគ្នា អាចមានភេទផ្ទុយគ្នា និង មិនប្រាកដថាដូចគ្នាទាំងស្រុងទេ រូបរាងមុខមាត់អាចដូចគ្នា ខ្លាំង មធ្យម ឬតិចតួច ដូចជាបងប្អូនបង្កើតដទៃទៀតដែរ។ ដូច្នេះបើក្នុងករណីមានឪពុកស្បែកខ្មៅ ម្តាយស្បែកស នោះកូនភ្លោះមិនពិត អាចមានម្នាក់សដូចម្តាយ និងម្នាក់ទៀតខ្មៅដូចឪពុក។ វាជាករណីកម្រណាស់។ គេសង្កេតឃើញកូនភ្លោះបែកចែកសម្បុរដាច់ពីគ្នាស្រឡះអ៊ីចឹង មានតែមួយករណីលើ១ពាន់លានករណីប៉ុណ្ណោះ។
ឥលូវនាងខ្ញុំសូមជម្រាបជូនពីអ្វីដែលអស្ចារមែនទែន រកកលជឿមិនបានសោះតែម្តងនោះ គឺកូនភ្លោះមានឪពុកពីរនាក់ផ្សេងគ្នា ! តើគេអាចពន្យល់ហេតុការណ៍នេះបានយ៉ាងដូចម្តេច ? ស្ត្រីមានប្តីពីររួមគ្នាឬយ៉ាងណា ?
ករណីភ្លោះបែបនេះ មកពីស្ត្រីមានប្រុសស្នេហ៍ពីរនាក់ក្នុងពេលតែមួយឬ ? មិនគួរឱ្យជឿមែន និងស្តាប់ទៅហាក់ដូចជា អសីលធម៌ផង សម្រាប់ប្រពៃណីវប្បធម៌ប្រទេសខ្លះ ក៏ប៉ុន្តែ បើតាមបែបវិទ្យាសាស្ត្រវេជ្ជសាស្ត្រ គឺជាករណី មហាបង្កកំណើត របស់មនុស្ស។
“ស្ពែម៉ាតូស្ហូអ៊ីត គឺជាកោសិកាមួយដែលមានអាយុវែង -វែងដល់ទៅបីបួនថ្ងៃឯណោះ។ ដូច្នេះវាអាចទៅរួច ដែលថាស្ត្រី រួមដំណេកជាមួយនឹងបុរសទីមួយ នៅថ្ងៃចន្ទ ដល់ថ្ងៃពុធគេងជាមួយបុរសម្នាក់ទៀត ហើយបើនៅថ្ងៃពុធនេះ អូវុលរបស់គាត់ដល់គម្រប់អាយុអាចបង្កកំណើតបាន អូវូស៊ីត -មេជីវិតញី បើកទ្វារទទួលស្ពែម៉ាតូស្សូអ៊ីត -មេជីវិតឈ្មោល នោះវាអាចមានស្ពែមាតូស្សូអ៊ីតបុរសទីមួយ កាលពីថ្ងៃចន្ទ ដែលនៅរស់នៅឡើយផង និងស្ពែមាតូស្សូអ៊ីតបុរសទីពីរផង។ ដូច្នេះនឹងមានការបង្កកំណើតពីរ អំប្រ៊ីយុងពីរ ដែលគេហៅថា ភ្លោះច្រើន grossesse gémellaire។ ក្នុងករណីបែបនេះ កូននោះមែនភ្លោះ ប៉ុន្តែមានឪពុកពីរផ្សេងគ្នា ប្រសិនបើគេវិភាគលើអាដេអិន ។”
កូនភ្លោះប្រភេទនេះ មិនមែនកម្រ ដូចជាការគិតស្មានឡើយ នៅសហរដ្ឋអាមេរិក អ្នកឯកទេសប៉ាន់ប្រមាណថា ក្នុងចំណោមកូនភ្លោះមិនពិត៤០០ មានមួយ ជាកូនភ្លោះមានម្តាយតែម្នាក់ តែមានឪពុកផ្សេងគ្នា។ អ៊ីចឹងដុកទ័រ គេនៅតែហៅថាកូនភ្លោះដែរឬ យ៉ាងណា?
ជាកូនភ្លោះមែន តែគ្មានចង្កោមហ្សេនេទិចដូចគ្នាទេ ព្រោះឪពុកខុសគ្នា។ គេមិនមែនជាកូនភ្លោះពិតទេ ប៉ុន្តែនៅតែត្រូវបានគេហៅថា កូនភ្លោះ ដដែល ព្រោះគឺគេចេញពីផ្ទៃម្តាយតែម្នាក់ និងកើតក្នុងពេលប្រហាក់ប្រហែលគ្នា។
ឥលូវយើងសូមចាប់អារម្មណ៍ នឹងការបង្កកំណើតកូន (ដោយជំនួយវេជ្ជសាស្ត្រ) បង្កកំណើតនៅក្រៅផ្ទៃម្តាយម្តង។ ក្នុងករណីនេះ កូនមានឪពុកម្តាយតែមួយ បង្កកំណើតក្នុងពេលតែមួយ ប៉ុន្តែកើតមុនក្រោយគ្នាជាច្រើនឆ្នាំ។ តើអាចទៅរួចដែរឬទ ? វេជ្ជសាស្ត្របច្ចុប្បន្នអាចធ្វើបាន និងមានធ្វើរួចមកហើយ។ ឧទាហរណ៍ជាក់ស្តែង តារាចម្រៀងដ៏ល្បីល្បាញ Céline Dion គាត់បានពឹងពាក់វេជ្ជសាស្ត្រឱ្យជួយបង្កកំណើតកូន រហូតបានកូនបីនាក់។ តាមពិតកូនទាំងបីនាក់នោះ ត្រូវបានបង្កកំណើតក្នុងពេលជាមួយ (គ្រូពេទ្យបូមយកមេជីវិតអូវុលពីម្តាយ និងស្ពែមាតូហ្សូអ៊ីតពីឪពុក ឱ្យមកបង្កកំណើត នៅពេលក្លាយជាអំប្រ៊ីយ៉ុងកូនហើយ ខ្លះចាក់បញ្ជូលទៅក្នុងពោះម្តាយ ខ្លះទុកឱ្យកកសិន ចាំចាក់បញ្ចូលក្នុងស្បូនស្ត្រីជាម្តាយនៅពេលក្រោយ)៖ អ្នកស្រី សេឡីន ឌីយ៉ុង ពរពោះកើតកូនទីមួយ ៨ឆ្នាំមុនការពរពោះជាលើកទីពីរ ដែលជាកូនភ្លោះ។ តើគួរឱ្យស្ងើចទេ ?
នៅពេលកូនកើតមកចេញជារូបរាងមនុស្សត្រឹមត្រូវ គេមិនបានហៅកូនទាំងបីនោះថាជាកូនភ្លោះបីទេ ទោះបីជាពេលបង្កកំណើតក្នុងពេលតែមួយក៏ដោយ។
ជាទូទៅឱ្យតែនិយាយអំពីកូនភ្លោះ គឺគេគិតដល់ភ្លាមពីភាពដូចគ្នាបេះបិទ ប៉ុន្តែការសិក្សាជាច្រើនបង្ហាញបងប្អូនភ្លោះ ក៏មានភាពខុសគ្នាច្រើនដូចជាបងប្អូនបង្កើតផ្សេងៗទៀតដែរ។ កូនភ្លោះខ្លះដូចគ្នាខ្លាំង ខ្លាំងមែនទែនរហូតដូចគេឆ្លុះកញ្ចក់ ដូចទាំងមុខមាត់ ទាំងកាយវិការ។ ទាំងនេះគឺផ្តល់ដោយធម្មជាតិ ពីកំណើតក្នុងពោះម្តាយមានហ្សែននោះមកជាមួយ។ ប៉ុន្តែទោះដូចគ្នាក្តី មិនដូចគ្នាក្តី គេតែងសង្កេតឃើញថា ក្នុងចំណោមកូនភ្លោះពីរនាក់ តែងមានម្នាក់ខ្លាំងជាងម្នាក់។ តើត្រង់ចំណុចនេះ វេជ្ជសាស្ត្រពន្យល់យ៉ាងដូចម្តេចដែរ ?!
“ទំនាក់ទំនង ម្នាក់ខ្លាំង ម្នាក់ខ្សោយ ម្នាក់ជាអ្នកត្រួតត្រា ម្នាក់ចាំរង របស់កូនភ្លោះ វាកើតឡើងតាំងពីនៅក្នុងពោះម្តាយម្ល៉េះ ! ព្រោះពេលនៅក្នុងពោះនោះ មានកូនមួយ ស្ថិតនៅចំហៀងខាងលើ មួយទៀតនៅចំហៀងរាងចុះក្រោមបន្តិច។ មួយអាចស្រូបជាតិផ្លាសង់តាច្រើនជាងមួយ ជាហេតុធ្វើឱ្យមានភាពខុសគ្នាជាប្រាកដ គឺកូនមួយអាចមានទំហំ មានមាឌធំ ឬកម្លាំងខ្លាំង ជាងកូនមួយទៀត បន្តរហូតដល់ពេលកើត និងដល់ធំ។”
ក្រៅពីមានការវិវឌ្ឍន៍សមត្ថភាពបែងចែកភាពខុសគ្នាយឺតជាងកូន ធម្មតា កូនភ្លោះអាចមានសមត្ថភាព ពិសេស ខាងផ្នែកភាសា គឺគេមានភាសាសម្រាប់និយាយ ទាក់ទងគ្នា យល់គ្នារវាងតែបងប្អូនភ្លោះរបស់គេ ម្តាយឪពុកមិនយល់ទេ តែគ្មានន័យតគ្នាវែងឆ្ងាយអ្វីឡើយ។ ផ្ទុយទៅវិញវាអាចពន្យឺតពេលវេលានៃការចេះនិយាយ។
“ជាសរុប កូនភ្លោះក្រចេះនិយាយជាងកូនកើតមកតែម្នាក់ឯង ដល់ទៅ៦ខែ។ អ្នកឯកទេសចិត្តសាស្ត្រពន្យល់ថា មកពីកូនភ្លោះមិនសូវប្រញាប់ រួសរាន់ ចង់មានទំនាក់ទំនងជាមួយពិភពខាងក្រៅ ជាមួយម្តាយ ព្រោះគេយល់គ្នាគេទៅហើយ"៕
និយាយដោយខ្លី កូនភ្លោះពិត ជាកូនដែលកកើតពីពងតែមួយ មានទំហំហ្សែនដូចគ្នាទាំងអស់ មានភេទដូចគ្នា និងមានរូបរាងដូចគ្នាបេះបិទ។ ផ្ទុយទៅវិញ កូនភ្លោះមិនពិត មានកំណើតមកពីពងពីរផ្សេងគ្នា និងហ្សែនក៏មានលក្ខណៈខុសគ្នា អាចមានភេទផ្ទុយគ្នា និង មិនប្រាកដថាដូចគ្នាទាំងស្រុងទេ រូបរាងមុខមាត់អាចដូចគ្នា ខ្លាំង មធ្យម ឬតិចតួច ដូចជាបងប្អូនបង្កើតដទៃទៀតដែរ។ ដូច្នេះបើក្នុងករណីមានឪពុកស្បែកខ្មៅ ម្តាយស្បែកស នោះកូនភ្លោះមិនពិត អាចមានម្នាក់សដូចម្តាយ និងម្នាក់ទៀតខ្មៅដូចឪពុក។ វាជាករណីកម្រណាស់។ គេសង្កេតឃើញកូនភ្លោះបែកចែកសម្បុរដាច់ពីគ្នាស្រឡះអ៊ីចឹង មានតែមួយករណីលើ១ពាន់លានករណីប៉ុណ្ណោះ។
ឥលូវនាងខ្ញុំសូមជម្រាបជូនពីអ្វីដែលអស្ចារមែនទែន រកកលជឿមិនបានសោះតែម្តងនោះ គឺកូនភ្លោះមានឪពុកពីរនាក់ផ្សេងគ្នា ! តើគេអាចពន្យល់ហេតុការណ៍នេះបានយ៉ាងដូចម្តេច ? ស្ត្រីមានប្តីពីររួមគ្នាឬយ៉ាងណា ?
ករណីភ្លោះបែបនេះ មកពីស្ត្រីមានប្រុសស្នេហ៍ពីរនាក់ក្នុងពេលតែមួយឬ ? មិនគួរឱ្យជឿមែន និងស្តាប់ទៅហាក់ដូចជា អសីលធម៌ផង សម្រាប់ប្រពៃណីវប្បធម៌ប្រទេសខ្លះ ក៏ប៉ុន្តែ បើតាមបែបវិទ្យាសាស្ត្រវេជ្ជសាស្ត្រ គឺជាករណី មហាបង្កកំណើត របស់មនុស្ស។
“ស្ពែម៉ាតូស្ហូអ៊ីត គឺជាកោសិកាមួយដែលមានអាយុវែង -វែងដល់ទៅបីបួនថ្ងៃឯណោះ។ ដូច្នេះវាអាចទៅរួច ដែលថាស្ត្រី រួមដំណេកជាមួយនឹងបុរសទីមួយ នៅថ្ងៃចន្ទ ដល់ថ្ងៃពុធគេងជាមួយបុរសម្នាក់ទៀត ហើយបើនៅថ្ងៃពុធនេះ អូវុលរបស់គាត់ដល់គម្រប់អាយុអាចបង្កកំណើតបាន អូវូស៊ីត -មេជីវិតញី បើកទ្វារទទួលស្ពែម៉ាតូស្សូអ៊ីត -មេជីវិតឈ្មោល នោះវាអាចមានស្ពែមាតូស្សូអ៊ីតបុរសទីមួយ កាលពីថ្ងៃចន្ទ ដែលនៅរស់នៅឡើយផង និងស្ពែមាតូស្សូអ៊ីតបុរសទីពីរផង។ ដូច្នេះនឹងមានការបង្កកំណើតពីរ អំប្រ៊ីយុងពីរ ដែលគេហៅថា ភ្លោះច្រើន grossesse gémellaire។ ក្នុងករណីបែបនេះ កូននោះមែនភ្លោះ ប៉ុន្តែមានឪពុកពីរផ្សេងគ្នា ប្រសិនបើគេវិភាគលើអាដេអិន ។”
កូនភ្លោះប្រភេទនេះ មិនមែនកម្រ ដូចជាការគិតស្មានឡើយ នៅសហរដ្ឋអាមេរិក អ្នកឯកទេសប៉ាន់ប្រមាណថា ក្នុងចំណោមកូនភ្លោះមិនពិត៤០០ មានមួយ ជាកូនភ្លោះមានម្តាយតែម្នាក់ តែមានឪពុកផ្សេងគ្នា។ អ៊ីចឹងដុកទ័រ គេនៅតែហៅថាកូនភ្លោះដែរឬ យ៉ាងណា?
ជាកូនភ្លោះមែន តែគ្មានចង្កោមហ្សេនេទិចដូចគ្នាទេ ព្រោះឪពុកខុសគ្នា។ គេមិនមែនជាកូនភ្លោះពិតទេ ប៉ុន្តែនៅតែត្រូវបានគេហៅថា កូនភ្លោះ ដដែល ព្រោះគឺគេចេញពីផ្ទៃម្តាយតែម្នាក់ និងកើតក្នុងពេលប្រហាក់ប្រហែលគ្នា។
ឥលូវយើងសូមចាប់អារម្មណ៍ នឹងការបង្កកំណើតកូន (ដោយជំនួយវេជ្ជសាស្ត្រ) បង្កកំណើតនៅក្រៅផ្ទៃម្តាយម្តង។ ក្នុងករណីនេះ កូនមានឪពុកម្តាយតែមួយ បង្កកំណើតក្នុងពេលតែមួយ ប៉ុន្តែកើតមុនក្រោយគ្នាជាច្រើនឆ្នាំ។ តើអាចទៅរួចដែរឬទ ? វេជ្ជសាស្ត្របច្ចុប្បន្នអាចធ្វើបាន និងមានធ្វើរួចមកហើយ។ ឧទាហរណ៍ជាក់ស្តែង តារាចម្រៀងដ៏ល្បីល្បាញ Céline Dion គាត់បានពឹងពាក់វេជ្ជសាស្ត្រឱ្យជួយបង្កកំណើតកូន រហូតបានកូនបីនាក់។ តាមពិតកូនទាំងបីនាក់នោះ ត្រូវបានបង្កកំណើតក្នុងពេលជាមួយ (គ្រូពេទ្យបូមយកមេជីវិតអូវុលពីម្តាយ និងស្ពែមាតូហ្សូអ៊ីតពីឪពុក ឱ្យមកបង្កកំណើត នៅពេលក្លាយជាអំប្រ៊ីយ៉ុងកូនហើយ ខ្លះចាក់បញ្ជូលទៅក្នុងពោះម្តាយ ខ្លះទុកឱ្យកកសិន ចាំចាក់បញ្ចូលក្នុងស្បូនស្ត្រីជាម្តាយនៅពេលក្រោយ)៖ អ្នកស្រី សេឡីន ឌីយ៉ុង ពរពោះកើតកូនទីមួយ ៨ឆ្នាំមុនការពរពោះជាលើកទីពីរ ដែលជាកូនភ្លោះ។ តើគួរឱ្យស្ងើចទេ ?
នៅពេលកូនកើតមកចេញជារូបរាងមនុស្សត្រឹមត្រូវ គេមិនបានហៅកូនទាំងបីនោះថាជាកូនភ្លោះបីទេ ទោះបីជាពេលបង្កកំណើតក្នុងពេលតែមួយក៏ដោយ។
ជាទូទៅឱ្យតែនិយាយអំពីកូនភ្លោះ គឺគេគិតដល់ភ្លាមពីភាពដូចគ្នាបេះបិទ ប៉ុន្តែការសិក្សាជាច្រើនបង្ហាញបងប្អូនភ្លោះ ក៏មានភាពខុសគ្នាច្រើនដូចជាបងប្អូនបង្កើតផ្សេងៗទៀតដែរ។ កូនភ្លោះខ្លះដូចគ្នាខ្លាំង ខ្លាំងមែនទែនរហូតដូចគេឆ្លុះកញ្ចក់ ដូចទាំងមុខមាត់ ទាំងកាយវិការ។ ទាំងនេះគឺផ្តល់ដោយធម្មជាតិ ពីកំណើតក្នុងពោះម្តាយមានហ្សែននោះមកជាមួយ។ ប៉ុន្តែទោះដូចគ្នាក្តី មិនដូចគ្នាក្តី គេតែងសង្កេតឃើញថា ក្នុងចំណោមកូនភ្លោះពីរនាក់ តែងមានម្នាក់ខ្លាំងជាងម្នាក់។ តើត្រង់ចំណុចនេះ វេជ្ជសាស្ត្រពន្យល់យ៉ាងដូចម្តេចដែរ ?!
“ទំនាក់ទំនង ម្នាក់ខ្លាំង ម្នាក់ខ្សោយ ម្នាក់ជាអ្នកត្រួតត្រា ម្នាក់ចាំរង របស់កូនភ្លោះ វាកើតឡើងតាំងពីនៅក្នុងពោះម្តាយម្ល៉េះ ! ព្រោះពេលនៅក្នុងពោះនោះ មានកូនមួយ ស្ថិតនៅចំហៀងខាងលើ មួយទៀតនៅចំហៀងរាងចុះក្រោមបន្តិច។ មួយអាចស្រូបជាតិផ្លាសង់តាច្រើនជាងមួយ ជាហេតុធ្វើឱ្យមានភាពខុសគ្នាជាប្រាកដ គឺកូនមួយអាចមានទំហំ មានមាឌធំ ឬកម្លាំងខ្លាំង ជាងកូនមួយទៀត បន្តរហូតដល់ពេលកើត និងដល់ធំ។”
ក្រៅពីមានការវិវឌ្ឍន៍សមត្ថភាពបែងចែកភាពខុសគ្នាយឺតជាងកូន ធម្មតា កូនភ្លោះអាចមានសមត្ថភាព ពិសេស ខាងផ្នែកភាសា គឺគេមានភាសាសម្រាប់និយាយ ទាក់ទងគ្នា យល់គ្នារវាងតែបងប្អូនភ្លោះរបស់គេ ម្តាយឪពុកមិនយល់ទេ តែគ្មានន័យតគ្នាវែងឆ្ងាយអ្វីឡើយ។ ផ្ទុយទៅវិញវាអាចពន្យឺតពេលវេលានៃការចេះនិយាយ។
“ជាសរុប កូនភ្លោះក្រចេះនិយាយជាងកូនកើតមកតែម្នាក់ឯង ដល់ទៅ៦ខែ។ អ្នកឯកទេសចិត្តសាស្ត្រពន្យល់ថា មកពីកូនភ្លោះមិនសូវប្រញាប់ រួសរាន់ ចង់មានទំនាក់ទំនងជាមួយពិភពខាងក្រៅ ជាមួយម្តាយ ព្រោះគេយល់គ្នាគេទៅហើយ"៕
No comments:
Post a Comment